Plumbing Training nei \an

Synod Social Front buatsaiha Serchhip District chhung ami te tan Plumbing Training chu nimin khan Serchhip Kawnpui Kohhran Diamond Jubilee Hall-ah hawnna neiin \an a ni.

Plumbing Training hawnna hun hi Serchhip Kawnpui Koh-hran Synod Social Front Chairman, Upa R. Laldaihzauva chuan kaihruaiin Serchhip bialtu Pastor, Pastor H. Lalawmpuia chuan hunserh a hmang a, he hun hi Synod Office a\angin Synod Social Front Coordinator, Vanlaltluanga chuan rawn hmanpuiin, Synod Social Front lamin Cement Mistiri Training alo buatsaih tawh \hin thu leh Mizote chuan Cement Mistiri lam aiin Plumbing lamah ah kan tui in kan ti\ha peih zawka an hriat thu thu a sawi a. Mizote chu thil thiam zung zung kan nih avangin Trianing a tel turte pawh an training te \angkai taka hmanga eizawnna tlak a hmang \heuh turin duhsakna a hlan bawk.

He Training hi PHE Department nen \ang-kawp a buatsaih a ni a, Training pe turin PHE Department lamin Trainer an thawh a. He Training hi Oct. 21, 2019 a\anga Oct. 31, 2019 thleng neih a ni ang. Plumbing Training nei tur hian Serchhip District chhunga a diltu engemaw zat a\angin Selection Board in mi 20 an thlang a, training-a tel te hi an training chhung atan stipend pek an ni bawk ang.