NHM hmalak dan thlirletna neih \an a ni

Nimin khan National Health Mission chuan Aizawl New Capital Complex-a Taxation Department Auditorium-ah ni thum awh tur Review Meeting of Health Programmes an nei \an a. He hun hi Health Secretary, H. Lalengmawia chuan a hmanpui a ni.
NHM Review Programme hawngtu Health Secretayr, H. Lalengmawia chuan Central lam a\anga Policy lo kalte, kan ram chhung ngeia kan policy neihte pawh a nihna ang taka kalpui a nih theih nan sawrkar hnathawkte chuan nasa takin mawh an phur a ni tih hre turin he huna tel te chu a chah a, “Hmasawnna tam tak kan neih lai karah \an lakna tur tam tak kan la nei tih a lang a. Heng kan hmabak te hlenchhuak a, India ram pumah pawh dinhmun sang ber kan luah theihna turin keini ho hian mahni inrintawkna sang tak kan neih a pawimawh a. Kan Confidence Level a san loh chuan kan tumna hi tih hlawhtlinin a awm ngai lovang,” tiin mahni inringtawk tak chunga mawhphurhna hlen chhuak zel turin kalkhawmte a chah a ni.
Nimin-a Review Meeting \anna hun hi Dr. H. Lalchungnunga, Director of Health Services chuan kaihruaiin District tina Chief Medical Officer leh official pawimawhte an tel a. He hunah hian Inauguration and Orientation of Health & Wellness Centre leh Op-erationalization of Health & Wellness Centre chungchang zirho a ni a. Central lamin Universal Health Coverage atana Health & Wellness changtlung zawka kalpui a rawn tum tak avangin hemi kawngah hian nasa takin inpuahchahna kalpui mek a ni.

Comments

Chhiar Hlawhte