Kolasib-ah Mizoram Secondary School Games tan

Mizoram Secondary School Games vawi 37-na chu nimin khan Kolasib Sports Stadium-ah neih \an niin Education Minister, Lalchhandama Ralte chuan a hawng a ni.

Mizoram Secondary School Games hawnna hunah hian Education Minister, Lalchhandama Ralte chuan Kolasib District in Mizoram Secondary School Games vawi 37-na a thleng thei chu thil lawmawm tak a nih rualin Mizoram School Games neih tawha zirlai naupang infiam tura kalkhawm tam ber \um Kolasib in a thleng chu thil chhinchhiah tlak a nih thu a sawi a. Mizoram Secondary School Games chu inthian \hatna, inunauna leh inpumkhatna thlentu nise zirlai te School Education Minister chuan Zirna leh infiamna (Education leh Sports) chu thil inkawp tlat, \henhran hleih theihloh a nih thu sawiin, Sports chu taksa insawizawina mai piah lamah rilru thlenga sawizawina hmanrua a nih thu leh rilru leh taksa hriselna thlentu eizawnna atan pawh hmantlak a nih avangin Sawrkar in Sports lamah nasa takin hma a lak thu a sawi a, \halaite talent phochhuah nan Sawrkar in hma a lak pui zel tur thu a sawi bawk.

Mizoram Secondary School Games hi \um 35 zet Aizawl-ah nghah a ni tawh a, a \um 36-na chu Thenzawl leh Champhai-ah nghah niin a \um 37-na chu Kolasib-ah nghah a ni a. Tun \umah hian District hrang hrang a\angin zirlai 706 ten infiamna chi 6- Athletics, Boxing, Football, Judo, Volleyball leh Hockey (Girls)-ah te an inel dawn a, Ocotber ni 25 thleng a awh dawn a ni.