YMA in \anpuina semchhuak

Kumin July 2-a BSUP Leitan-a vanduaina thlenga tuartute hnenah nimin khan Central YMA chuan \anpuina an semchhuak.

Central YMA hian kumin July 2-a Durtlang Leitan-a BSUP In chhia avanga vanduaina tawka nunna chan, hliam tuar leh bungraw chuh hman lote tan hian Aizawl khawpui chhunga YMA Branch hrang hrangah Vehbur khawnin heng te hi nimin khan Central YMA Committee Room-ah semchhuah a ni a. he vanduaina thlenga nunna chan mi 3- Sai-nghinglovi (52) W/o V. Lalrodawnga, Lalnunfeli (3) D/o Lalngaihliani leh Lalpeksanga (8) S/o Lalchuailova te chu an chhungte hnenah cheng nuai khat \heuh hlan niin vanduaina thlenga hliam tuar mi 3- Lalrohlua, Lalrinkimi leh Lalchuailova te chu Rs. 30,000/- \heuh hlanin bungraw chuh hmanlo chhungkaw 5- C. Lianneihkimi, Tuah-chhingi, D. Vari, Lalthanzami leh Lalramngheti te pawh Rs. 20,000 \heuh hlan an ni bawk a. Hei bakah hian BSUP Rangvamual leh Edenthar Welfare-te tana \angkai tur ngaihtuahna atan Rangvamual Branch YMA hnenah Rs. 50,000/- leh Edenthar Branch YMA hnenah Rs. 1,50,000/- hlan a ni bawk.

Tarlan tawh \hin angin kumin July 2 tlai dar 6:00 leh 6:30 inkar khan Durtlang Leitan Ramthar Veng-a BSUP (Mirethei chenna In) Block \henkhat chu a chhak leiminin tichhiain mi 3 in nunna an chan a, he vanduaina tawka nunna chan te hnenah hian sawrkar chuan kumin July 24 khan Ex-Gratia lo hlan tawhin he vanduaina thlenga nunna chan mi 3- Sangnghinglovi, Lalnunfeli leh Lalpeksanga chhungte hnenah cheng nuai 4 \heuh hlan an lo ni tawh bawk a ni.