Serchhip-ah Village Council Co-ordination Committee din an hnathawh dan tur zirho a ni

Retheihna umbo a, chhungkaw tin ten eizawnna ngelnghet zawk an lo neih theihna turin Serchhip Block huamchhung khaw hrang hrangte telna Village Council Co-ordination Committee (VCCC) chu din niin nimin khan VCCC te tan hian training neih nghal a ni.

Mizoram State Rural Livelihood Mission (MzSRLM) hnuaia Block Mission Management Unit (BMMU) Serchhip District bultumin nimin khan Serchhip BNRGSK Hall-ah Village Council Co-ordination Committee (VCCC) hi din niin ‘Block Level Training on VCCC under PRI-CBO Convergence Project’ neih nghal a ni a, he hun hi BMMU Serchhip-a District Functional Specialist, Vanlalmuan-puia chuan kaihruaiin he hun hmanpuitu Serchhip BDO, Vanlalhmachhuana chuan Serchhip Block huamchhung khaw hrang hrang a\anga SHG leh VC kalkhawmte chu ei leh bar kawnga hmasawnna turte, an khawtlang hmasawnna tur atan te a sawrkar laipui ruahmanna Programme leh Scheme chu ti hlawhtlingtu ni \heuh tur leh \hahnemngai tak leh taima tak thawk turin duhsakna a hlan bawk.

He training-ah hian BMMU-a Cluster Co-ordinator K. Lalthansanga leh Muanpuia Zasai ten Village Council Co-ordination Committee (VOCC) awmzia leh nihna te, an tihtur te bakah khawtin-a Self Help Group (SHG) intelkhawm Village Organisation (VO) te tihtur leh hriattur pawimawh hrang hrang zirtirin zawhna leh chhanna hun leh sawihona hun te hman a ni bawk a. Village Organisation Co-ordination Committee (VOCC) hian an khua leh Veng \heuh a khawtlang hmasawnna tur atana thil \ul pawimawh te, Vantlang thil leh khawtlang mamawh hrang hrang leh siam\hat ngai awmte an lo zirchiang anga, heng an thil zirchian chu ‘Gram Panchayat Development Plan (GPDP)’ ah dahchhuakin hemi tihlawhtlinga bawhzui tura hmalatu tur sawrkar Department \heuhte chuan Convergence Scheme kalpui mekah a \ul angin an bawhzui dawn a ni.

Nimin a VCCC te tana Training-ah hian Serchhip Block huamchhung khaw hrang hrang 18 a\angin SHG member te leh VCP te telin NRLM Officials te bakah an thawhpui, Kudumbashree a\angin Priyanka, State Co-Ordinator, National Resource Organisation leh a thawhpuiten an telpui bawk a ni.