Mizoram sawrkar leh Myanmar aiawhte inkawm

India sawrkar inrelbawl dan leh Myanmar leh India sawrkar inlaichinna zirchiang tura rawn zin Republic of the Union of Myanmar sipai hotute leh Mizoram Sawrkar hotu pawimawhte chuan nimin khan Aijal Club Conference Hall-ah inkawmna an nei.

He inkawmna hi Mizoram sawrkar-a GAD Commissioner/Secretary, Ashish Kundra, IAS chuan kaihruaiin Myanmar sipai hotute lawmna thu a sawi bakah an inkawmhona in rah \ha a chhuah ngei a beisei thu a sawi a. Powerpoint presentation hmangin India ram democracy kalphung leh Parliament leh State Legislative Assembly inrelbawl dan te a sawifiah bakah, Election Commission of India kaltlanga inthlanpui buatsaih a nih dan te a sawifiah a, Electronic Voting Machine leh VVPAT hman dan te a lem nen entir a ni bawk.

He inkawmhona hi Session hnih ah \hen niin Session hmasa ah Indian Democracy leh Election buatsaih a nih dan zirho a ni a, Session hnihna ah Law and Order chungchangte, Tourism chungchangte, Art & Culture bakah Trade & Commerce chungchang leh thilpawimawh dang tam tak sawiho a ni. He sawihona hunah hian ramri kaltlanga dan in a phalloh thil chi hrang hrang- Ruihhlo tawlhruk, Human Trafficking, Smuggling chi hrang hrang chungchang te sawilan niin Myanmar sipai hotute pawhin rilru inhawng takin an dawngsawng a, engtia hmalak ho nge \ha ang tih te sawiho niin, ramri kaltlanga insumdawntawnna ah awmze nei zawk leh \ha zawka hmalak dan tur te sawiho a nih bakah hnam ziarang leh khualzin inkal-pawhtawn kawnga hmalak dan tur chi hrang hrang te an sawiho a ni bawk.

Myanmar Military delegates te hi National Museum and Library (NMML), New Delhi a hotuten rawn \awiawmin Myanmar Sipai hotu sawm (10) an rawn kal a ni.