Bru hruaikir tur ten Lunglei an chhuahsan

Lunglei District-a Bru hruaikir hna thawh 2-na neih tura Official te chuan nimin khan Lunglei chhuahsanin Tripura-a Bru Relief Camp an pan a, heng mite hi nimin zing khan Lunglei DC, K. Lalrinzuali hovin thlahna hun hman a ni.

Tripura Bru Relief Camp a\anga Bru hruai kir 9th Batch Repatriation thawh khatna, tun thla ni 6-a neih ah khan chhungkaw 42 a\angin mi 165 chu Lunglei District thlenpui an ni tawh a, tun \uma Bru hruaikir hna thawh hnihna an thawh turah hian Bru chhungkaw 364 a mi 2051 hruaikir tur niin Khakchangpara Camp a\angin chhungkaw 3, Hamsapara Camp a\angin chhungkaw 2, Naisingpara Camp a\angin chhungkaw 54 leh Hazacherra Camp a\angin chhungkaw 305 te hruakir an ni dawn a. Heng chhungkaw 364 te hi Lunglei District chhunga khaw pali-ah dah tur niin Putlungasih-ah chhungkaw 121, Chawilung S-ah chhungkaw 43, Dinthar-ah chhungkaw 187 leh Buknuam-ah chhungkaw 13 dah an ni ang.

Heng mite hruaikir tur hian Liaison Officer pali - Lalsanglura, SDC, Lal\hakima Chhangte SDC, Z. Lalthanliana Langva Asst. Professor, leh Lalthanmawia, Asst. Professor te kaihhruaiin Supporting Staff mi pariat (8) ten Mamit panin Security Supervisor tura ruat Lunglei Dy. SP (Hqrs) J. Rokima kaihhruaina hnuaiah venhimna hna thawk turin Police paruk (6) an tel a ni. Repatriation thawh hnihna atan hian Aizawl City Bus 15 hman tur niin Lunglei District Team hi Official, Supporting Staff, Security leh Driver-te nen an zavaiin mi 66 an ni a. Nizan khan Mamit-ah riakin Vawiin hian Tripura an pan anga, Kanchapur (Dak Bangla)-ah riakin naktuk-ah 5th IR Bn. Luangpawl panin Bru Relief Camp an rawn chhuahsan leh ang.