Plastic bawlhhlawh chharfai

Nehru Yuva Kendra (NYK) Serchhip District buatsaihin nimin zing khan Serchhip-ah Plastic bawlhhlawh chharfaia kawng zawhin Youth Club te hnenah infiamna bungrua semchhuah a ni.

Mahatma Gandhi piancham vawi 150-na denchhena Fit India Campaign puala ‘Plogging Run for Collection of Plastic Waste/Garbage’ vailiamna puala inkhawm tawi hi Serchhip DC Office Complex-a NYK Office Tual-ah neih niin he hun hmanpuitu Serchhip District Sports & Youth Officer, Samuel Zodinsanga MCS chuan sawrkar laipui in faina kawnga hma a lakna, Swachh Bharat Mission kalpui a nih hnuah Mizote pawhin faina kawngah nasa taka hma kan sawn thu sawiin, mahni taksa bakah kan silh leh fen te a fai tawh viau laiin kan khawtlang faina kawnga nasa zawka hma kan lak zel a \ul thu leh kan Environment tichhe lo zawnga khawsak kan zir zel a pawimawh thu a sawi bawk.

NYK-a Volunteer, Lalrintluanga kaihhruai he hunah hian Khual zahawm Serchhip Sub-Hqrs. YMA President, R. Sanghming-thanga pawhin faina kawnga Mizo ten nasa taka hma kan sawn tawh laiin zuk leh hmuam leh ruih-theih thil avanga nunna chan kan la awm fo \hin chu pawi a tih thu a sawi a. Hei vang hian mahni taksa chhunglam invawnfai kawngah hma kan lak zel a \ul thu sawiin, faina chu hriselna atana thil pawimawh a nih thu a sawi bawk.

He hunah hian NYK Serchhip-a Programme Coordinator, Lalremruata chuan he hun an buatsaih chhan leh NYK hmalakna hrang hrangte sawiin, Fit India Campaign hnuaia hma an lakna te leh hemi atana \angkai tura infiamna bungrua an semchhuah thu te a sawi a. He hunah hian NYK Serchhip District hnuaia Youth Club 20 te hnenah Football, Volleyball leh Volleyball Net te semchhuah nghal a ni a. Hemi hnu hian he huna tel te hian Serchhip DC Office tual a\anga kawng zawhin khawlai-a Plastic bawlh-hlawh an chharfai nghal a ni.