Council of Minister \hukhawmin sawrkar inrelbawlna pawimawh hrang hrang an rel

Niminpiah khan Council of Ministers chu Chief Minister, Zoramthanga hovin Chief Minister's Cabinet Meeting room-ah \hukhawmin sawrkar inrelbawlna pawimawh thil chi hrang hrang an ngaihtuah.
Tun \uma Council of Minister \hutkhawm ah hian sawrkar Department hrang hrang 13 a\anga thu ngaihtuah tur lut te ngaihtuah niin nimin-a Upate Ni lo thleng tur atana thilpek atan kum Upate pension, Rualbanlo leh Hmeithai te chhawmdawlna National Social Assistance Programme (NSAP) Pension Scheme kalpui meka State sawrkarin a tum (contribution) zat chu a let a tih pun remtih a ni a. NSAP hnuaia heng chhawmdawlna ah hian State sawrkar leh Central sawrkar chuan tum chin nei ve ve in hetah hian State sawrkar tum tur chu a let-a tihpun a ni a. Medical Doctor te chu an Superannuation pension hun atan kum 62 bithliah tura rawtna chu remtih a ni.
Ex-Servicement te Mizoram sawrkar a rawih nawn an nih theihna tur Mizoram Ex-Servicemen (Re-employment in civil posts) Rules, 2019 chu pawm niin Group B (Non Gazetted) chin sawrkar hna lakna buaipuitu tur Mizoram Subordinate Service Selection Board (MSSSB) dinna tur Mizoram Subordinate Service Selection Board (Recruitment and Condition of Service) Rules, 2019 bakah DP&AR a\anga lut, Mizoram Municipal Common Cadre Service Rules 2019 leh Mizoram Municipal Subordinate Service Rules 2019 leh Draft Mizoram Public Service Commission (Condition of Service) Regulations, 2019 te chu pawm a ni bawk.
Mizoram-a thing leh mau a\anga thilsiam chhuahna awlsam zawka din a nih theih nan The Mizoram Wood Based Industries (Establishment & Regulation) (Amendment) Rules, 2019 chu pawm a ni a. Fisheries Department a\anga Mizoram Fisheries Conservation Rewards Scheme, 2019 leh Mizoram Fisheries Rules, 2019 siam tura rawtna lut te chu pawm a ni bawk. Heng bakah hian Finance Department a\anga lut, Mizoram Protection of Interests of Depositors (in Financial Establishment) Bill, 2019 chu pawm a ni bawk a. Higher & Technical Education Department a\anga lut Mizoram Colleges (Provincialisation) (Amendment) Rules 2019 chu pawm bawkin, RUSA hnuaia lecturer 72 lak te chu a remti bawk a. Sawrkar hnathawk zinga Annual Statement of Immovable Property Returns a hun taka thehlut lo te chu an hlawh hrensak tura Vigilance department a\anga rawtna lut chu pawm a ni bawk.

Comments

Popular posts from this blog

PAN CARD an tih teh fo hi - Laldinpuia