YMA Pandal sak hna zaa 90 thawh zawh a ni tawh

North Vanlaiphai khua chu YMA General Conference vawi 72-na thleng turin an inbuatsaih mek zel a, he khawmpui neihna tura Pandal sak hna pawh zaa 90 vel peihfel a ni tawh.

Tun thla ni 15 a\anga neih tur YMA General Conference hi North Vanlaiphai khua chuan an thleng dawn a, he khawmpui neihna atan hian Pandal chu a dung ft. 150 leh a vang ft. 120-a zau-a sak niin Pandal velah hian Office hrang hrang - Reception, Information, Medical, Central YMA, Sub-Hqrs. hrang hrang leh Legal Service bakah Exibition Hall leh Mizo thuam zawrhna te a awm dawn a. Hengte hi zawh thawkhat deuh vek tawh a ni a. Khaw chhung mipuite pawh Conference dawng tur hian theitawpin an inbuatsaih mek bawk a ni.

Kar kalta chhung khan Pandal sak hna hi ngawrh taka thawh niin North Vanlaiphai-a YMA Branch hrang hrangte bakah zirna In hrang hrang te, sawrkar Department hrang hrang te Mizoram Upa Pawl (MUP) ten, North Vanlaiphai Joint PYD (NEI) te hnatlangin Inrinni khan khaw \henawm a\angin Bawktlang Branch YMA te an hnatlang bawk a, tun dinhmun ah Pandal sak hna hi zaa 90 vel zawhfel a ni tawh a ni.

North Vanlaiphai khua in YMA General Conference a thlen tur pual hian Mizoram sawrkar chuan buhfai quintal 80 pekna tur order a tichhuak a, Zirtawpni khan Supply Sub-Committee hruaitute chu buhfai lakchhuahna tur Chalan leh \uldangte buaipuia DCSO dawrin Serchhip-ah rawn an kal a. Buhfai hi Conference pualin mipuite hnenah sem a ni ang.