Ministry of Agriculture & Farmers Welfare buatsaih, kum tin October ni 15-a hman thin 'Mahila Kisan Diwas' New Delhi-a neih-ah Mizoram atangin Pi B. Lalthuami, Serchhip P&E Veng in chawimawina a dawng. 'International Year of Woman Farmer 2026' denchhenin India ram pumah 'Mahila Kisan Diwas' chu kumin hian uar lehzuala hman niin, India ram State hrang hranga hmeichhe loneitu entawntlak mi 30 thlanchhuah an ni a. Mizoram atangin Pi B. Lalthuami, Serchhip P&E Veng chu he chawimawina dawng tura thlanchhuah zingah hian a tel a ni.
Pi B. Lalthuami hian lo neih, thlai huan siam leh ranvulh kawngah sulhnu tha tak neiin, Self Help Group kaltlanga hmeichhe loneitu dangte kaihhruai leh zirtirna kawngah pawh a thawhhlawk hle a. A hnathawhte hi State chhung mai bakah ram pum huapa entawntlak a nih avangin he chawimawina dawng tur hian ATMA kaltlangin thlan a ni.
