Fisheries Minister in sawrkar laipui hotute a kawm

Fisheries Minister, K. Lalrinliana chu New Delhi-ah cham mekin sawrkar mi pawimawh te a kawm.

Fisheries Minister hian niminpiah khan Ministry of Fisheries-a Secretary to Govt. of India, Rajni Sekhri Sibal-i chu hmuin kumin March 15-a Blue Revolution Scheme hnuaia DPR submit tawh chungchang a sawipui a. Secretary chuan DPR chu \ha an tih avang leh an bawhzui \hat avangin kum 2019-20 Tentative Allocation Mizoram tan an lo dah tawh aia sang a tihsak dan a zawn pui nghal a, 2019-20 atan cheng vbc. 6.11 ruahman sakin, cheng nuai 276 sanction order an hawn tir nghal a. Hei bakah hian Minister chuan DPR thar cheng nuai 1604 thehlutin Mizoram tan a \ulna leh \angkaina te a sawipui a, Secretary chuan National Fisheries Development Board, Hyderabad te nen chiang zawka an lo en ho leh tur thu a sawi bawk. Hei bakah hian Mizorama Kaikuang leh Chakai khawi theih dan tur te a sawipui bawk.
    LAD changtu Minister ni bawk K. Lal-rinliana hian Panchayati Raj-a Union Secretary, Amarjeet Sinha pawh kawmin Mizoram Village Council (VC) inrelbawl dan leh State Sawrkar in thuam chak a tum dan te a hrilh bakah 14th Finance Commission hnuaia VC te tan grant an dawn ve loh thu leh hemi aia an dawn Excluded Area Fund chu a beitham in State dang te nena tehkhin phei chuan a lungawithlak loh thu a sawi a. VC te chu thingtlang a hmasawna bulthum khawihtu ber an nihna angin Development Grant pek belh a dil bakah 15th Finance Commission recommendation-ah chuan telh ve ngei turin Union Secretary chu a ngen a.  Union Secretary chuan Mizoram dinhmun chu a hriatthiampui thu leh Minister in a ngenna angin Excluded Area Grant a awm belh theih dan tur a lo zir chian tur bakah 15th Finance Commission recommendation a an tel ve theih tawh nan hma a lak pui tur thu a sawi bawk.