Serchhip a\anga Asst. Director (F&D) sawnna tur chu kaltlangpui rihlo tura tih a ni

Serchhip CMO Office-a Asst. Director (Food and Drug) Transfer-na thu lo chhuah tawh chu sawrkar in thu leh awm hma chuan kaltlangpui rihlo tura a tih avangin Serchhip Sub-Hqrs. YMA chuan Vawiin a\anga Serchhip-a Health Department-a thawk te Pisa kai tur leh Asst. Director (Food & Drug) insawn tur dan an tum chu an \hulh lailawk.

Serchhip Sub-Hqrs. YMA hian Pathianni tlai-a Extended Meeting neia an thurel bawhzuiin Health Minister hnenah Ultimatum an thehlut a, hetah hian Serchhip CMO Office-a Asst. Director (Food & Drug), Sarah Laldintluangi sawn a nih danah hian dan kalha damdawi ruih theih hralh \hin, an dan bawhchhiat avanga an Drug License cancel tawh hnua dawr la hawng lui tlat, Mapuii Drug Store, New Serchhip te hekna avanga sawn nia an hriat thu leh tuna an Dawr an la hawn luih tlat chhanah pawh hian Health Minister zahawm tak thu hmu nia an insawi thu tarlangin, YMA ten Ruihhlo leh damdawi hmansual dova hma an laknaa \awiawm tlattu leh Dan anga hmala chhunzawm \hin a nih avanga he thil hi a chunga thleng ngei ni ah an ngaih thu an tarlang a. YMA in ruihhlo dova hma an lakna avanga Officer \ha leh dik taka hnathawk in a tawrh chu dik-a an hriat loh thu leh an inkuangkuah san a nih chuan tumahin thawhpui tlakah an ngai tawh dawn lo tih an tarlang bawk.

Serchhip Sub-Hqrs. YMA chuan Health Minister chu Serchhip CMO Office a\anga Asst. Director (Food & Drug) sawnna Order chu sut leh tura ngenin, he an ngenna hi a hlawhtling lo a nih chuan Serchhip-a Health Department (CMO leh DMS) Office te Oct. 29 a\angin hna thawk bik lo tur leh Sarah Laldintluangi pawh a post thar pana kalchhuak thei lo tura hmalak an tum thu bakah, YMA ten Ruihhlo dova an hmalakna chu thuneituten an support lo a nih si chuan kal zel theiah in ngai lovin Sub-Hqrs YMA Anti-Drug Squad (SADS) chu tihtawp nghal an tum thu leh Central YMA leh Mizoram Police leh Excise & Narcotics Department te Ruihhlo do kawnga Thawhhona an neih mek chu ennawn ni ngei se an tih thu te an tarlang a. Hemi hnu nimin tlai khan Mizoram sawrkar chuan hriattirna tichhuakin Asst. Director (Food & Drug) leh Drug Inspector (contract) te sawnna tur thu lo chhuah tawh chu thu leh awm hma chuan kaltlangpui rihlo turin an ti ta a ni.

Hetianga sawrkar in thuchhuah a siam hnu hian Serchhip Sub-Hqrs. YMA chuan thu-chhuah siam nghalin hetianga sawrkar in thuchhuah a siam avang hian an hmalakna tura lo ruahman tawh chu \hulh lailawk a ni nghal tih tarlangin, an beisei ang diak diakin a hlawhtlinna la hmu lo mah se aan thilphut tih hlawhtlinna a nih theihna tura hma lak saktu Health Minister, Dr. R. Lal-thangliana leh Health Department-a thawk te chungah leh Serchhip East Block MNF te chungah lawmthu an sawi thu an tarlang bawk.