Hmarchhak bial te tana PMAY-G chungchang Workshop RD Minister in a hawng

India hmarchhak State 8 te tana ni 2 awh tur Regional Workshop under Pradhan Mantri Awaas Yojan-Gramin (PMAY-G) chu nimin khan Mizoram University Conference Hall, Tanhril-ah neih \an niin he Workshop hi Mizoram RD Minister, Lalruatkima chuan a hawng a ni.

He Workshop hawnna hunah hian RD Minister, Lalruatkima chuan hun engemaw chen PMAY(G) chu Mizoram-ah kalpui anih loh hnuah Ministry of Rural Development, Rural Development Department Mizoram leh NIC Team-a thawktute hmalakna leh thawhrimna zarah State Nodal Account siam niin hna pawh chak zawka kalpui a ni leh tur chu lawmawm a tih thu a sawi a. Mipuite khawsak chawikan nan sawrkarin Socio-Economic Development Project (SEDP) a kalpui turah PMAY(G) chu hmanraw \angkai tak tur anih thu sawiin, Mizoram-a PMAY(G) ham\hatna dawngte Insak \ha tak tak te chu khawtlanga tlawmngai pawl te tha thawhna leh kaihhruaina vang anih tel thu a sawi bawk.

RD Minister, Lalruatkima chuan Mizoram-ah PMAY(G) chu duh anga kalpui anih theih loh nachhan bulpui ber chu SECC 2011 rintlak tawk loh vang anih thu sawiin, a dawng awm tak tak dawng ta lo an awm phah thu a sawi bawk a. He harsatna tih ziaawm nan Mizoram sawrkar chuan Parmanent Wait list a buatsaih a, amaherawh chu Ministry lama thlitfimna a paltlang theih loh thu pawh sawiin, tunhnaia Ministry of Rural Development-a Secretary, Amarjeet Sinha nen an inkawmna ah Mizoram tan PMAY(G) ham\hatna dawng thei mi 4000 thlan belh phalna a pek thu a sawi bawk.

Nimin-a Workshop hawnna hun hi Mizoram sawrkar-a RD Department Commissioner & Secretary, Lalhmingthanga chuan kaihruaiin Gaya Prasad, DDG (RH) leh Prashant Kumar, AS (RH), Govt. of India te pawhin thu sawiin India hmarchhak State-a PMAY(G) kalpuina kawnga hmasawnna inhrilhtawn nan leh harsatna awm te sutkian dan tur sawihona hun \angkai taka hmang turin duhsakna an hlan bawk.

Nimin a \an he Workshop-ah hian Assam, Arunachal Pradesh, Mizoram, Meghalaya, Manipur, Tripura leh Sikkim a\angte in an rawn tel a ni.