SVEP hawnna neih a ni

Nimin khan District Panchayat Resource Centre (DPRC), Serchhip Tarpi tlang-ah Start up Village Entrepreneurship Programme (SVEP) hawnna neiin ni thum chhung awh tur Community Resource Person for Enterprise Promotion (CRP-EP) te tana Training chu neih nghal a ni bawk.

Nimin-a SVEP hawnna leh CRP-EP te tana Training hi Margaret Vanlalnghaki, Project Facilitator SVEP chuan kaihruaiin khuallian nia he hun hmanpuitu Serchhip BDO, Vanlalhma-chhuana chuan training nei tura thlan te chu an thil zir te chu midangte hnena puangchhuak leh tur an nih avangin an thil zir te uluk taka ngaithlaa hriat tum turin a chah a, mitin in eizawna kawngah tun aia hlawk zawk leh hma kan sawn theihna tur chu SVEP in a tum ber a nih thu sawiin, mi hnuaia inhlawh a sum lalut reng bik lova mahni kut ke ngeia eizawna bul \an a mahni a eizawnna neih thei tura buatsaih chu SVEP thil tum a nih thu a sawi a, hemi kawnga hmasawna a awm theihna turin he Training-a tel tura kalkhawmte chu an pawimawh hle dawn tih a sawi bawk.

Nimin-a SVEP hawnna ah hian PB. Lal-rinfela, Block Project Manager, Serchhip District chuan SVEP nihphung te sawifiahin, CRP-EP training turte a\angin B. Zonunmawii chuan lawmthu a sawi bawk.

SVEP hi National Rural Livelihood Mission (NRLM), Ministry of Rural Development hnuaiah India rama District thlanchhuah bikte puala kalpui niin Mizoram-ah chuan Kolasib District leh Serchhip District te chu thlangin Pilot Project kalpui mek a ni a. Serchhip District-ah chuan Mizoram State Rural Livelihood Mission hnuaia Enterprenuer Project leh PIA tura thlan, Kudumbashree National Resource Organisation ten kalpuiin nimin a\anga CRP-EP Training turte hi E. Lungdar Block a\angin mi 8 leh Serchhip Block a\angin mi 10 te an tel a. Tunah hian mi 336 ten he Project hi kalpui mekin tunah hian a thar turin mi 214 lak leh an ni.