Govt. Midland M/S Serchhip kum 50 tlinna Chief Secretary hovin lawm a ni

Govt. Midland M/S Serchhip chuan nimin khan an kum 50 tlinna, Golden Jubilee an lawm a, he hun hi Mizoram Chief Secretary, Lalnunmawia Chuaungo chuan khuallian niin a hmanpui a. Serchhip District paltlangtu NH. 54 laihzauh tur chu chak taka hna thawh a nih theih nana theihtawp chhuah turin Serchhip mipuite a sawm bawk.

Serchhip AOC Veng-a Govt. Midland M/S Golden Jubilee lawmna hunah hian Chief Secretary, Lalnunmawia Chuaungo chuan Golden Jubilee hriatrengna lungphun chu hawngin Govt. Midland M/S-ah hian zirtirtu fel tak tak bakah zirlai \ha tak tak an lo awm tawh tih zirlai chhuakte a\anga hriat theih a nih thu sawiin, sawrkar hna lam chauha hlawhtling ni lo, mahni nihphung leh khawsakna lama mi hlawhtling te chherchhuahna School a nih thu a sawi a. Mitin in Talent kan neih ah hlawhtlinna a awm vek thu sawiin, chung te chu Zirtirtu ten an haichhuahpui thiam a \ul thu a sawi a. Mizote chu India ram mai ni lo, hmarchhak State-a kan Tribal puite lakah pawh danglam tak nei kan nih thu sawiin, a chhe lamah leh a \ha lamah pawh intihhmuh chi kan nih thu a sawi a. Mahni chhia leh \ha hriatna hmanga kan tih duh loh te pawh midang in an tih chuan ti ve mai duh \hin kan nih thu sawiin, hei vang hian a \ha lamah hma kan sawna ke kan pen theihna turin heti hawi zawnga kan intihhmuh a \ul thu a sawi bawk.
He hunah hian Chief Secretary chuan KM 480-a thui National Highway-54 chu cheng vbc. 6300 chuang sengin a ruala lirthei tlan theihna tura laihzauh tum a nih thu pawh sawiin, tunah hian ram lak hna buaipui mek a nih thu leh ram lak tur zaa 90 chu Company te kuta hlan theih a nih veleh anni hian Contractor te kutah hlanin hna pawh \an theih a ni dawn tih a sawi a. He kawngpui laihzauh hna hi chak taka thawh a nih theih nana theihtawp chhuahpui tur leh samkhai taka hna thawh a nih theih nana lo \anpui turin Serchhip mipuite chu a chah a. Company lam hian Contractor pawh an thlan fel tawh thu leh an kut-a hna hi hlan a nih a\ang chuan tuna kawngpui awmsa thawm\hat pawh an thawh tel dawn thu a sawi bawk.
Govt. Midland M/S Golden Jubilee Celebration Committee Chairman, Lalhmangaiha Chawngthu kaihhruai he hunah hian Khual zahawm Serchhip District Bawrhsap, Sangchhin Chinzah chuan Golden Jubilee puala Souviner buatsaih chu tlangzarhin, he School-a zirchhuak te a\angin he School hian zirtirtu \ha tak tak an lo nei tawh \hin tih a lan thu sawiin, chu chu tuna Zirtirtu ten an naupangte ah chona ah ngai se a duh thu a sawi bawk.
He hunah hian he School Headmistress, Lalhmunsangi chuan he School chanchin tlangpui sawiin October 2, 1969-ah he School hi English Medium ni tura hawn \an a nih thu leh kum 1970-ah KG-I, KG-II leh Standard-I zirna hawnga bul \an a nih thu sawiin, kum 1973-ah Aided dinhmun ah hlangkaiin kum 1978-ah Deficit dinhmun ah hlankai leh a nih thu a sawi a. Hetiang hian hun engemaw chen a kal hnuah harsatna eng eng emaw an neih zui tak avangin kum 1993-ah English Medium a\angin Mizo Medium-ah letin kum 2003-ah Provincialized a nih ve tak thu a sawi a, tunah hian zirtirtu 6 awmin zirlai 18 an awm mek thu leh Serchhip Town-a Middle School zingah Zirtirtu nei tlem ber an nih thu a sawi bawk.
Nimin a Govt. Midland M/S in Golden Jubilee an lawmna hunah hian Serchhip DEO, Lawmawma pawhin lawmpuina leh fuihna thu a sawi bakah he School-a kum 40 dawn lo thawk tawh leh kum 2009-a Pension-a chhuak ta, Saichami Sailo chuan he School lo din chhoh dan leh bul an \an dan te a sawi a. He School a\anga zirchhuak te a\angin Lal Hriatrenga Chhangte BE (Mining) pawhin thu a sawi bawk a ni.
Nimin a he hun hmanna ah hian he School-a thawk tawh leh zirlai lo ni tawh mi \hahnem tak telin zirlai naupang leh he School-a lut tawh ten item hrang hrang an entir bawk a ni.

Comments

Popular posts from this blog

PAN CARD an tih teh fo hi - Laldinpuia