Serchhip-a K|P General Conference neih tura Pandal sakna tur hmun thenfai hnatlang neih a ni

Serchhip khua in nakum-a K|P General Conference a thlen tur atana inbuatsaihna hmasa atan Inrinni khan Pandal sakna tur, Leisekawt Mual thlawhfai hna thawh a ni.

Mizoram-a Kohhran \halai intawhkhawmna lian ber, K|P General Conference nakum February thla tawpa Serchhip khua in a thlen tur atan hian Organising Committee chuan hmalakna kalpui mekin Inrinni khan he khawmpui neihna tur atana Pandal sakna tur hmunah hnatlang hmasa ber hi neih a ni a, he hunah hian khawmpui thlengtu Serchhip khawpui chhunga Pastor Bial pathum a\angin K|P member mi 250 vel an thawkchhuak a, he hnatlang a thawk te hian Field chhunga hnim te thlo faiin thenfai ngai ang ang te an thianfai nghal bawk a ni.

Serchhip-a K|P General Conference neihna tura Pandal sakna tura ruahman, Leisekawt Mual hi duh aia a zim deuh avangin K|P General Conference Organising Committee chuan laihzauh a nih theih nan hma an la a, helai hmun hi Chief Minister, Zoramthanga pawhin kumin June 7 khan a hmunah tlawh tawhin Field laihzauh dan tur hi a thlirpui a, hemi \um hian Chief Minister hian sum awmsa awm lo mah se Field laihzauh hna hi lo \an mai turin a ti a, amaherawh chu Chief Minister in helai hmun a tlawh a\anga thla lo (4) zet a liam hnuah pawh Field hi laihzauh hna \an theih ala ni ta chuang lo a, tunah hian Organising Committee hruaitute chuan laihzauh a nih theih nan hmalakna chu ala kal zel niin an sawi thung.

Serchhip-a K|P General Conference neih tur hi Serchhip Pastor Bial, Serchhip Vengchung Pastor Bial leh New Serchhip Pastor Bial-a K|P ten an in thlen \awm tur niin mi 10,000 lenna Pandal sak tura ruahman a ni a, Pandal atan hian Central K|P Pandal Structure awmsa chu hman a ni dawn a, hei hi thla thar November thla tirah Ser-chhip-ah lachho in hemi hnu hian Pandal sak hna hi thawh zui nghal a ni ang.