YMA General Conference-ah Rorelna neiin kum 2021 inkhawmpui Bilkhawthlir-ah nghah a ni

YMA General Conference vawi 72-na North Vanlaiphai-a neih mekah nimin khan khawmpui Palai ten ro relin thu ngaihtuah tura chhawpchhuah 7 zingah 6 chu pawm niin an thu rel zingah All India Service leh Central Service dangah Zofate kan luh theih nana hmalak relin Zofate in unau lehzual theih nan a huhova Kut hman dan zawn an rel.

    North Vanlaiphai khuaa YMA General Conference neih mekah hian Vawiin khan khawmpui neihna, Chhurbura Run-ah khawmpui Palai ten Central YMA President, Vanlalruata kaihhruaina hnuaiah rorelna neiin he hunah hian thu ngaihtuah tura chhawpchhuah YMA Khawih 5 leh Sawrkar Khawih pahnih zingah Sawrkar Khawih pakhat tih loh chu pawm vek a ni a. YMA Khawih an pawm zingah hian Mizoram chhunga In sak leh thildang ah |heka tam ta lutuk chu a hautak em avangin Central YMA in hmalak nise an ti a. Mizo mipate dinhmun leh mawhphurhna inzirtirna kawngah hmalak relin All India Service leh Central Service-ah Zofate a tam thei ang kan kan luh theih nan Central YMA in mi bik te \anpuia chhawmdawl kawngah theihtawp chhuah an rel a. Mizo Hnam peng hrang hrangte kan in unau lehzual theih nan a huhova Kut hman theih dan zawn an rel bakah YMA in Kumpuan a neih \hin chu kum hnih (2) chhung zel atan puan tawh \hin nise an ti.
     Sawrkar Khawih an rel zingah Ramngaw leh nungcha humhalh kawngah sawrkar in tun aia nasa zawka hma a lak an duh thu relin Assam leh Mizoram ramri chinfel a nih theih nan hmalak erawh pawm a ni ta lo thung a. Kum 209-2021 chhunga YMA Kumpuan atan ‘Zirna Uar’ tih chu thlangin kum 2021 YMA General Conference chu Bilkhawthlir ah neih nise an ti bawk a. Kum 2019-2020 atana Central YMA Budget atan Rs. 16,776,400/- chu pharh niin pawm a ni bawk a. YMA Member boral mi 1506 te sunna hun hman a ni bawk.
    Report hnuhnung ber a\anga a lan danin YMA-ah hian Member mipa 2,63,649 leh Hmeichhia 182,974, an vaiin 4,46,623 awmin YMA Life Member 10,827 an awm a. YMA Branch 803 awm mekin, Group YMA 47 leh Sub-Hqrs. YMA 5 a awm mek a. Mizoram pawn ah Assam, Meghalaya, Manipur, Tripura leh Nagaland-ah te YMA Group leh Branch a awm a, Sajek, Bangladesh-ah Branch a awm bawk.
    YMA General Conference hi Vawiin hian chhunzawm leh a ni anga, Vawiin hian kum 2019-2021 chhunga Central YMA hruaitu tur thlanna neiin zan lamah Palai thlahna in-khawm neih leh a ni ang.

Comments

Chhiar Hlawhte