RIPANS Graduation Day CM in a hmanpui

Regional Institute of Paramedical and Nursing Sciences (RIPANS) chuan nimin khan kumin-a Nursing leh Para-Medical Course hrang hranga zirlai pass thar te Graduation lawmna leh Bachelor of Nursing zirlai thar 35-te lawmluhna, Lamp Lighting Ceremony neiin he hun hi Chief Minister, Zoramthanga chuan a hmanpui a ni.

RIPANS Campus-a he hun hmanna ah hian Graduate tharte chu a lawmpui thu a sawi a. Mahni mihring puite tan an thiamna hmang a, enkawl dam hna thawh chu hna ropui tak a nih thu sawiin, zirlai pass tharte chu an kal zelna turah pawh taima leh rinawm taka an thawh zui a, hlawhtlinna an chan chhoh zel turin a duhsakna a hlan bawk.

He hunah hian RIPANS Director, Dr. Chawngthanliana chuan Graduate leh Post Graduate tharte hnenah Certificate of Appreciation a hlan a ni a. Kumin hian a vaiin mi 180 zirchhuak an awm a, chung te chu B.Sc. Nursing 36, B.Sc. MLT (Medical Laboratory Technology) 40, B. Pharm 23, B. Optometry 34, B.Sc. RIT (Radio Imaging Technology) leh M. Pharm 16 an ni. RIPANS hi kum 1996 khan North Eastern Council (NEC) in India hmarchhak mite tan Paramedical leh Health Sciences bik zirna atana din in, kum 2007 April thla a\angin sawrkar laipui-a Ministry of Health and Family Welfare hnuaiah dah a ni.