Mizoram State Games neih dan tur ruahman fel

State Level Implementation and Monitoring Committee, Mizoram State Games chu nimin khan \hukhawmin Mizoram State Games chu kumin December thla khian neih tura rel a ni a. Sports Discipline hrang hrangah Constituency aiawhte inelna neih a ni ang.
State Level Implementation and Monitoring Committee, Mizoram State Games \hutkhawm hi Sports Minister, Robert Romawia Royte chuan kaihruaiin Mizoram in hun rei tak chhung State Games kan buatsaih loh avanga kan channa hi rinphak bakin a nasa tih a sawi a. National Level a\anga International Level leh abikin Olympic Games-ah te thlenga Medal dawn theihna Sports Discipline tam tak, kan \halai ten an theihnghilh tawh te a awm tih sawiin, heng Sports dicipline te hi Major Game/discipline rualin kaihthawh tum a nih thu a sawi.
Sports Minister chuan Discuss Throw, Shortput, High Jump, Pole Vault leh a dangte chu a mal khai anga tournament siam chhan atan a remchang \hin lo tih sawiin, Medal dawn theihna ni mahse, hlamchhiah a hlawh chho zela, \halaite zingah hriat a hlawh ta mang lo tih a sawi a. National Games-ah te Mizoramin thlen san a tum a, Olympic Games-ah te kan \halaite tam zawka tel tir kan tum a nih si chuan Athletics lamah pawh \an lak zel a ngai a. Hemi kawngah hian kan hma lawka Mizoram State Games chuan rah duhawm tak a chhuah ngei a beiseiawm a ni, a ti bawk.
He Meeting hian State Games neihna tur hmunpui ber chu Ai-zawl-ah a nghah rualin Sports Discipline \henkhat chu remchan zawkna avangin Kolasib, Kawnpui leh Thenzawl-ah te khelh turin an ruahman a. Constituency chhunga lo inpuahchah lawkna buaipui tur leh a \ul anga Constituency contingent te puala State Level Organising Committee dawr turin Constituency Level Organising Committee siam a rel a. He Constituency Level Organising Committee-ah hian bial vawngtu Member of Legislative Assembly (MLA) te chu Chairman atan a ruat nghal a ni.
Mizoram State Games Opening Ceremony chu December 9-ah huaihawt tura rel a ni a. Opening ceremony neih hma pawh hian Olympic Heat anga Game tam tak chu thlitfim hman tura ruahmanna siam a ni dawn bawk a ni. Tun \um Mizoram State Games hi Open Competition a ni dawn a, Junior leh Senior Level hrang hranga \hen a ni dawn lo a ni. Ruahman lawkna ang chuan Mizoram State Games-ah hian Sport Discipline hrang 30-ah Constituency 40 aiawh infiammite an intihsiak dawn a. Infiammi sang tel tak meuh an intihsiak dawn a, Official pawh mi 500 chuang an awm a ngai dawn a. State Level-a inelna hi December 9 a\ang 14 chhung khian neih tur a ni ang.

Comments

Popular posts from this blog

PAN CARD an tih teh fo hi - Laldinpuia