State Games atan inelna tur thlan fel a ni

State Level Organising Committee for Implementation of State Games chu tun thla ni 16 khan \hukhawmin Mizoram State Games neih tur atan Item an thlang fel.

Secretariat Conference Hall-a State Level Organising Committee for Implementation of State Games \hukhawm hian State Games inelna atan hian Archery, Arm Wrestling, Aquatics, Athletics, Badminton, Basketball, Body Building, Boxing, Carrom, Chess, Cricket, Fencing, Football, Hockey, Judo, Karate, Kick Boxing, Motor Sports, Muaythai, Power Lifting, Sepak-takraw, Shooting, Snooker & Billiards, Table Tennis, Tennis, Tug of War, Taekwondo, Volleyball, Weightlifting, Wrestling, Mizo Inchai, Wushu bakah Indigenous Games- Insuknawr, Insaihruipawh, Inkawibah, Mizo Sairawkherh perh, Khanchhuk invuakthlak, leh Insukherh te an thlang a. Discipline hrang hrangte inelna hmun tur leh an Categories awm turte rel fel a ni bawk.

Apex Committee in thu a lo pass tawh angin MLA te chu an bial \heuhah Committee Chairman an ni a, MLA te hian an bial chhung ah hma an lo la chu lawmawm an tih thu sawiin, MLA ten an Constituency chhunga Player Final List siama November ni 22, 2019 aia tlai lo ah thehluh vek nise an ti bawk.

He Tel tum te tan a hnuai ami ang hi hriata zawm turin rel a ni bawk :

i) An telna bial chhunga mi ngei an ni tur a ni a, Voter ID/Aadhar Card an nei ngei tur a ni.

ii) Sports Discipline hrang hrangah duh zat zat tel theih a ni anga, amaherawh chu inkhelna an nang hmanlo anih chuan tuman an sawi buai thei lo ang.

iii) Mimal a Medal la hnem ber (Gold, Silver, Bronze) mipa leh hmeichhia lawmman siam a ni ang.

iv) Mizoram State Games ah hian kum bithliah a awmlo ang.

v) National Federation Games Rules hman a ni ang.

vi) Opening Ceremony ah Air show neih tum a ni.