FLAM kum 25 tlin lawmna Dy. CM in hmanpui

Former Legislators Association of Mizoram (FLAM) chuan nimin khan an kum 25 tlin lawmna neiin Deputy Chief Minister, Tawnluia chuan khuallian niin a hmanpui a ni.

Aijal Club-a FLAM kum 25 tlin lawmna ah hian Deputy Chief Minister chuan Former Legislators Association of Mizoram (FLAM) Silver Jubilee lawmna hmang thei tura MLA hmasa berte zinga mi 11 an lo tel thei chu lawmawm a tih thu sawiin, FLAM chu inepna leh indaidanna awm lo, inlungrualna leh \hahnemngaihna hnuaia ram hmasawnna ngaihtuahna hmun \angkai tak anih thu a sawi a. MLA chu ram kaihruaitu tura mipuiten an aiawh an thlan chhuah te an nih avangin a \hutthleng luahtute inthlak chang awm \hin mah se ram leh a chhunga cheng mipuite hmasawnna tur ngaihtuah chu a pawimawh dan a ngai reng \hin tur a nih thu a sawi a, mipui thlan tlin leh mipui aiawh anih avangin MLA dinhmun chu a zahawm hle a ni, a ti bawk.

FLAM Silver Jubilee lawmna hi an President, KL. Rochama chuan a kaihruaia, member boralte sunna hun hman niin K. Sang Chhum, Treasurer leh TC. Pachhunga, General Secretary ten report an pe bawk. FLAM hi 1994 khan din a ni a, FLAM Member ni theite chu MLA leh MP lo ni tawh te leh an nupui pasal thihsan tawh te an ni a. FLAM member zingah MLA lo ni tawh 77 te leh MP 7 an boral tawh a, member 151 awm mekin pensioners 104 leh Family Pensioner-47 te an ni.