Mizoram mi Bru laklet hna thawh dan tur thlirhona Home Minister hovin neih a ni

Tripura-a Refugee Camp paruk (6) a\anga Mizoram Bru te hruaikir dan tur chungchanga Mizoram Sawrkar ruahmanna leh inbuatsaih dan te thlirhoin nimin khan Secretariat Conference Hall, New Capital Complex-ah Political Party leh NGO hruaitute an \hukhawm a. He hun hi Home Minister, Lalchamliana chuan a telpui a ni.

Bru laklet hna thawhna tura ruahmanna leh inbuatsaihna thlirhona hunah hian Mizoram sawrkar-a Home Secretary, Lalbiakzama chuan Mizoram Sawrkar in Bru hruaikir tura hun rei tak ata hma a lo lak tawh dan te leh tun \uma Sawrkar inbuatsaih dan te a sawifiah a. Mizoram Bru te hruai kir tur hian kum 2016 khan Identification neiin chhungkaw 5407 chhinchhiah an lo ni tawh a; chung zingah chuan chhungkaw 39 lo kir tawh a. Kumin ah 2nd Phase Identification nei lehin chhungkaw chhinchhiah tawhte pawh Mizorama kir duh ngei te in report tura ngen an ni a, chutianga rawn inlan thei te a\ang chuan chhungkaw 4410 chhinchhiah an ni a, heng te hruai kir tur hian chak takin Sawrkar a inbuatsaih a. Mizoram Bru te hruaikir tura senso mamawh pawh Ministry of Home Affairs ah thlen nghal niin cheng vbc.100 chu Mizoram Sawrkarin a dawng tawh a ni.
Mizoram-a Bru lo kir te awmna tura ruahman lawk- Lunglei, Kolasib leh Mamit District-ah te chuan an District Deputy Commissioner \heuh te kaihhruaina hnuaiah Bru te lo haw dan tur leh Mizorama an inbenbelna tur ruahmanna an siam fel vek tawh a ni a. Bru hruai kir hna hi tunkar Ningani, Oct. 3, 2019-ah \an tum a ni a, November thla chhunga hruai zawh hman turn a ni.
He Meeting-ah hian Mizoram-a Political Party hrang hrang leh tlawmngai pawl hrang hrang aiawhte bakah sawrkar Official te telin he huna tel te chuan Mizoram mi Bru te chu tun \umah hian lo kir ngei se an duh tih an sawi a. He hruaikir hna thawk tura Sawrkar leh NGO te lungrual taka an thawh tlan theih avangin boruak a \hain a lawmawm tih sawiin, Mizoram khua leh tui dik tak te an lo haw ngei theihna turin theihtawp chhuah tlan zel \ha an tih thu an sawi a. Mizorama an rawn haw na tur khua leh mipuite pawhin rilru inhawng taka lo lawma lo buaipui turin an ngen a ni.
Tarlan tawh \hin angin tun \uma Bru lak-let hna thawh tur hi a tawpna tur niin hemi hnu hi chuan an Camp hi khar a ni tawh dawn a ni.

Comments

Popular posts from this blog

PAN CARD an tih teh fo hi - Laldinpuia