Relief Camp 6 a\angin chhungkaw 68 kir tawh Vawiin-ah hruaikir chhunzawm leh tum a ni

Tripura Bru Relief Camp-a awm Mizoram-a hruaikir hna thawh mek ah Relief Camp-a awm mek ten harsatna an siam chungin Tripura Relief Camp 6 a\ang hian Bru chhungkaw 68 hruaikir an ni tawh nia thudawn a ni a, Vawiin hian Bru hruaikir hna hi thawh chhunzawm leh tura ruahman a ni.

Tripura a\anga Bru hruaikir hna thawktu Official-te sawi danin tun thla ni 3 a\anga Bru hruaikir beihpui thlak \anah chhungkaw 4,447 hruaikir tura ruahman zinga 68 hruaikir an ni tawh a. Kar kalta Thawh\anni leh Nilaini khan Asapara Relief Camp-ah Bru Women Welfare Organisation (BWWO) huaihawtin hmeichhe hovin kawng an dang a. Thawh\anni hian Kolasib Official-te chu lirthei 19 nen Naisingpara thleng hman mahse buaina chhuak thei a nih avangin Kanchanpur SDM hovin Police venhimna hnuaia tumah hruaikir lovin an let leh a ni. Ruahman lawk ang chuan Vawiin hian Kolasib District Official-te chuan chhungkaw 98 hruaikir tumin Asapara Camp an pan leh dawn a, Mamit District Official te pawh Hamsapara Camp-ah an thawk chhuak leh dawn a. Bru chhungkaw 42 hruaikir tawhtu Lunglei District Official-te chu naktuk ah an chhuak ang.

Hetihlai hian Mizoram Bru Displaced People’s Forum (MBDPF) General Secretary, Bruno Msha chuan nimin khan OC, Anandabazar Police Station, Tripura North-ah FIR thehlutin amah leh MBDPF hruaitu pahnih – A. Sawibunga leh R. Laldawngliana te’n vau an tawh chungchangah hma laksak turin a ngen a. FIR a a tarlan dan chuan ‘hriattirna’ ti a vuah lehkha hi Naisingpara Relief Camp-a Rolick Zoramthanga In bang-ah leh hmun dang dangah October ni 5 khan tar a ni a. Hetah hian hruaitu pathumte chu kum 22 chhung Bru mipuite bumah puhin sawrkar nena inremna ziak tur hian lawmman atan cheng vbc. 70 an dawng nia tarlan a nih thu a tarlang.

Hei bakah hian MBDPF hruaitute chuan Relief Camp tinah kala vantlang inkhawm kovin mipuite chu Mizorama kir ngei ngei turin an thlem nia ziah a nih thu te, hetiang a nih avang hian mipui mimirte’n an tawrh a an thih mek laiin MBDPF hruaitu lawkte hi chuan nuam an chen dawn nia tarlan a nih thu leh Hruaitu 3-te chu hnam phatsantu leh Bru mipuite hmelma dik tak, sawrkar laipui leh Mizoram sawrkar thlawptu ah puh an nih thu te tarlangin, Mizoram a an kir phawt chuan an nunna leh an chhungkhat lainate nunna-in a tuar ngei dawn ni a vauna an ziak tel bawk niin a FIR thehluh ah hian a tarlang a ni.