Khawvel pumah Upate Ni hmangin Serchhip SP in MUP te duhsakna a hlan

Nimin Oct. 1, 2019 kha khawvel puma Upate Ni, International Day of Older Person niin Serchhip District SP, Sathiyasundaram chuan MUP District Hqrs. Serchhip hruaitute hnenah lawmpuina leh duhsakna a hlan a. He Ni hi Serchhip-a MUP Unit hrang hrangte chuan an remchan angin an lawm bawk.

Nimin-a Upate Ni pual hian Serchhip SP, Sathiyasundaram IPS chuan nimin chawhma lam khan MUP District Hqrs. Serchhip hruaitute chu a Pisa-a leng-ah sawmin he Ni lo thleng ah hian Upate zawng zawng duhsakna hlanin a lawmpui thu a sawi a, he Ni hi hlim leh lawm taka hmang tura duhsakna hlanin, Mizoram Upa Pawl (MUP) in Mizoram leh Hnam tana a thawhna ah dikna leh rinawmna vawng zel tur leh Mizoram leh Hnam hmasawn zel nana theihtawp chhuaha an hriatna hmanga finchhuah zel turin a ngen a. Upa te chu Mizoram leh Hnam rohlu an nih thu pawh sawiin, Police Department te nen an thawhho tawhna ah lawmthu a sawi a, lungrual taka ke pen ho zel tura sawmin, he Ni lawmpuina atan pangpar leh thuziak a hlan nghal a. He hunah hian MUP District Hqrs. Serchhip a\angin an President, CL. Ramngaia hovin hruaitu rual te an kal a ni.
International Day of Older Person hi Serchhip-a Mizoram Upa Pawl (MUP) Unit hrang hrang te chuan an remchan dan anga lawmin MUP Unit tam ber te chuan ruai nen he Ni hi an lawm a. MUP Serchhip Dinthar Unit chuan Upate Ni hi Dinthar P/S building-ah lawmin he hun hi an President, T. Zakunga chuan a kaihruai a, kum kalta chhunga an Member boral te sunna hun mangin an Secretary, Chawngthanmawia hnen a\angin Report ngaihthlak niin MUP District Hqrs. Serchhip President, CL. Ramngaia chuan thu a sawi bakah an huamchhunga tlawmngai pawl dang aiawhte leh VC aiawh ten thu an sawi bawk a, chawhnu lamah intihhlimna hun hmangin tlai lamah zanriah an kilho bawk a ni.
MUP Kawn Veng Unit ten Chawpthanga (L) In-a Upate Ni an hman chu Serchhip District Child Protection Officer, Lalsiampuii chuan khuallian nia hmanpuiin Upate Ni-ah upate chu chibai bukin ram leh hnam tana upate pawimawhna hrang hrang a sawi a. Naupang venhimna chungchanga hma an lak dan te leh tunhnaia Ser-chhip-a hmeichhia harsatna tawk te pan theih tura hawn tak One Stop Centre chungchang te sawiin, heng an hmalakna hrang hrangah te hi a hlawhtlin theih nana theihtawp chhuahpui turin a sawm bawk. He hun hi an President, R. Van-lallawma chuan kaihruaiin an member boral mi 2 te sunna hun hman a nih bakah Report hrang hrang ngaihthlak a ni a, MHIP leh YMA lam a\anga thusawi ngaihthlak a nih bakah an Adviser, K. Zaithantluanga hnen a\angin fuihna thu ngaihthlak a ni a, zanriah an kilho nghal bawk.
MUP Chanmari Unit chuan K. Laltluanga In, Chanmari Veng-ah Upate Ni hi hmangin an President, CR. Tuhranga chuan a kaihruai a, kum kalta chhunga an Member boral mi 5 te sunna hun hmangin YMA leh MHIP aiawh ten hmanpuiin thu an sawi a. Chawhnu lamah itihhlimna hun hmangin zanriah an kilho nghal bawk a ni.
MUP AOC Veng Unit te chuan Deng-sailova In-ah Upa te Ni hi hmangin an President, Lalhmangaiha Chawngthu chuan a kaihruai a, Member boral te sunna hun hmangin Report hrang hrang ngaihthlak a nih bakah an Adviser, R. Changliana chuan member te fuihna thu a sawi bawk. He hunah hian intihhlimna neiin Mizo Thawnthu sawi ngaihthlak a ni a, tlai lamah zanriah an kilho nghal bawk.
MUP Hmar Veng Unit chuan Hmar Veng YMA Hall-ah Upate Ni hi hmangin an President, Sangzika Hauhnar chuan kaihruaiin Report hrang hrang ngaihthlak a nih bakah Member boral te sunna hun hman a ni a, an member kum 80 chunglam te chawimawina hun hmangin VC, YMA leh MHIP a\anga thu sawi ngaithlain tlai lamah zanriah an kilho bawk

Comments

Popular posts from this blog

PAN CARD an tih teh fo hi - Laldinpuia