Boruak muanawm neih duh

Hmar People's Convention (Democratic) chuan November ni 5-a a vawikhatna atana Sinlung Hills Council inthlan neih turah boruak muan-awm tak leh zalen taka duhthlan theihna chanvo hmang \heuh turin mipuite a ngen.

Inrinni-a thuchhuah siamin, April ni 2, 2018-a HPC (D) leh Mizoram Sawrkarin inremna thuthlung a siam chu Hmar leh Sinlung Hills huam chhunga chengte tan mellung pawimawh tak a nih thu tarlangin, Inthlanna hmachhawn thei dinhmuna an ding ta chu lawmawm an tih thu pawh sawiin, Zalenna kawl eng mek chu hmang thiam a, tangka sum leh inbumna bawlhhlawh hnawl ngam turin leh hnam hmangaihna rilru dik tak pu theuh turin mipui te an chah a ni. Inremna leh muanna tichhe zawnga hmalakna reng reng chu an dodal tlat tih a puang a. Internet/Social Media kaltlanga thu belhchian dawllo, mimal leh pawl hming hmanga thuchhuah siam lo turin mitin fimkhur turin an hriattir bawk.