Mizoram Police-ah indaihlohna a nasa hle - DGP

/
Mizoram Director General of Police (DGP), SBK. Singh chuan Mizoram-ah kumtin Police mi 300 vel an pension ziah a, heng pension te hnawhkhahna tur hian Police lak thar leh nghal zel anih loh avangin Mizoram-ah Police indaihlohna a nasa hle a ni, a ti.
Mizoram DGP, SBK. Singh hian Inrinni khan Mamit thlawhin, Mamit khawtlang hruaituten Mamit District-a Police indaihlohna ti ziaawm tura hma laksak tura an ngenna ah he thu hi a sawi a, DGP chuan Mizoram-ah Police 12,000 vel awm turah mi 9000 vel chauh an awm a, harsatna sukiang turin Police mi 650 vel lak tur a ruahmanna siam mek a ni, a ti.
Mamit District chhunga Police Station hrang hranga lirthei an neih \hat loh chungchangah pawh a theih ang anga hma alak tur thu sawiin DGP chuan, Mizoram Police te lirthei chu a hlui tawh hlawm hle a, hemi thlakna tur hian Police Modernization Scheme hnuaiah hma lak mek anih thu a sawi bawk. Mizoram DGP chuan Mizoram chu hmun nuam leh State ralmuang tak a ni tih sawiin, NGO te leh Police te inkarah thawhhona \ha tak an nei tih a sawi a, Mizoram-ah remna leh muanna a awm reng theih nan mipui, NGO leh Police te an thawhho a ngai tih sawiin, ruihhlo dona kawngah leh ramdang mi Mizoram a lo lut turte danna kawngah te pawh thawhhona \ha an neih a ngai tih a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »