Mizoram State Health Care Scheme hawn a ni

/
Mizoram Chief Minister, Zoramthanga chuan nimin khan Aizawl Vanapa Hall-ah Mizoram State Health Care Scheme 2019-20 chu a tlangzarh.
Aizawl Vanapa Hall-a Mizoram State Health Care Scheme tlangzarhna hunah hian Chief Minister, Zoramthanga chuan Mizoram State Health Care Scheme tih puitlin nana hmalak a nih dan te tarlangin, Sawrkar chuan Health Care scheme chu a ngaih pawimawh hle tih a sawi a, he Scheme hnuaia ham\hatna dawng theite chu inziaklut vek turin a sawm bawk. Chief Minister chuan Mizoram sawrkarin damlo enkawlna \ha a ngaih pawimawh mai bakah phaia Mizo damlo inenkawlte awmna turin Mizoram House leh hmun kan neih ang angte chu damlote awm nana remchang turin thawm\hat tum anih thu a sawi bawk.
He hunah hian khual zahawm Health Minister, Dr. R. Lalthangliana chuan Health & Family Welfare Department a thawktute chu mihring in kan neih hlut ber ‘nunna’ enkawltu an nih avangin an pawimawh zual hle tih a sawi a, Department-a thawktute chuan damlo enkawlna kawngah \awngkam hmante leh dawnsawn danah te fimkhur zual a ngaih thu a sawi bawk. He hunah hian Chief Secretary,  Lalnunmawi Chuaungo chuan inlawmna thu sawiin, Dr. Biakthansangi, CEO, MSHCS in he Scheme sawi zauna a nei bawk a, Dr. ZR. Thiamsanga, MLA leh Vice Chairman, Health & Family Welfare Board pawhin thu a sawi bawk.
Mizoram-ah Health Care Scheme hi chi hnih (2) awmin Central in ruahmanna a siam Ayushman Bharat Pradhan Mantri Jan Arogya Yojana (AB-PMJAY), Golden Card hmanga Rs. 5,00,000/- thleng bill theihna leh Mizoram sawrkar siam Mizoram State Health Care Scheme (MSHCS) Rs. 2,00,000/- thleng admit ngai natna tam ber leh OPD-a inenkawlna \henkhat bill theihna te a ni a. He Scheme pahnihte hi October ni 1, 2019 a\anga hman \an tur niin, policy khat hian kum khat chhung zel a awh ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »