MSU General Conference Bairabi-ah neih mek a ni

Mizo Students' Union (MSU) General Conference vawi 18-na chu nizan hmasa a\ang khan Bairabi-ah neih niin Sports Minister, Rober Ro-mawia Royte chuan a hmanpui a ni.
MSU General Conference \an zanah hian Sports Minister chuan Ramri leh Hnam thil Mizo tawh phawt chu Political party nihna dah\ha a \anrual a pawi-mawh tih sawiin, Zirlai kalkhawmte chu hriatna leh thiamna chu thiltihtheihna a ni tih hrereng a inzir zel turin a fuih a, retheih leh hausak hi finna a zir a ni ti bawk.
He Conference-ah hian nimin khan Bai-rabi Community Hall-ah rorelna neih a ni a, he hun MSU General Hqrs. President, Vanlal-liana Khiangte chuan a kaihruai a, Palai mi 105 ten ro relin sawrkar khawih an thu pass zingah Mizoram \halaite enkawltu ber Mizoram Youth Commission Grand-in-Aid a awm reng chu Budget head hran siam sak a nih theih nana hmalak te, Sawrkar School zirna In tinah Physical Instructor mumal taka dah vek a nih theih nana hmalak te, Mizoram ramri ah Border Check Post changtlung kan nih theih nan leh Border-a Duty tur Mizo hlang awmna Battalion thar din a nih theih nana hmalak leh Mizoram chhimthlang lam Mizo awmna khuate Zofate chenna tlaka sawrkar in a enkawl theih nana hmalak te a tel.
Zirna kaihhnawih an rel ah Zirtirtu aikal la te zawnchhuah leh hrem an nih theih nana hmalak te, Computer Base Online Central Entrance leh Competitive Exam Centre changtlung zawk kan neih theih nana hmalak te, Zirna In hrang hrangah Hnam lam leh zai inzirtirna hun mumal tak siam a nih theih nana hmalak te, College hrang hrang te'n zirlai Admission Fee a\anga revenue a chhun \hin chu tih tawp a nih theih nan leh College Development Fund atan hman a nih theih nana hmalak te a tel bawk.

Comments

Popular posts from this blog

PAN CARD an tih teh fo hi - Laldinpuia