NE-a District Council te inhmuhkhawmna neih a ni

India hmarchhak-a ram Danpui, Sixth Schedule hnuaia District Council te inhmuhkhawm \um thumna chu kar kaltaa Shillong-ah neih niin FOCUSS inkaihhruaina Dan duan chu pawm a ni.

3rd General Council Meeting of Forum Of Council Under Sixth Schedule (FOCUSS) hi Pinewood Hotel, Shillong-ah neih niin he hunah hian Tripura Tribal Areas Autonomous District Council tih loh chu North East-a Autonomous District Council te an tel kim a. FOCUSS Office Bearers te thlan dan tur lo ngaihtuah turin Committee an din a, Sawrkar laipuiin Constitution siam\hat mekah House a putluh a nih hmain Parliamentary Standing Committee-ah Memorundum thehluh ni se, siam\hat tur rawtna ah Autonomous District Council te duh dan telh ve ni se an ti a. Autonomous Council ten sum an hmuh \hat zawk nan Article 280 chauh ni loin, Article 275-ah Autonomous District Council tan Year Marked Allocation siamsak an duh thu te, Council ten Revenue a\anga sum tam zawk an lakluh theih nan GST chu Council mipuite pawh Tax chhungluttu an nih tho vangin, State chauh ni loin Autonomous District Council te pawh pek ve an duh thu bakah, State tina Autonomous District Council ten Sixth Schedule Amendment chungchanga an duh dan leh ngaihdan te October thla chhungin FOCUSS hruaitute hnenah thehluh ni se an ti bawk.