SHC inthlanna atan Dr. Thangtea campaign mek

Sinlung Hills Council inthlanpui neih turah MNF candidate te tan Health Minister, Dr. R. Lalthangliana chu a campaign mek a, Zohmun, Sakawrdai, Ratu, Suangpuilawn, Lamherh, Vanbawng leh Khawlek-ah te mipui hmaah thu a sawi.
Health Minister Dr. R. Lalthangliana chuan heng khaw hrang hrang a tlawhna ah hian MNF sawrkar thar chuan a taka Council hnathawh phochhuah an tum tih sawiin, Chhim lama District Council pathum kan neihte leh he Council enkawl dan tur hi chu a inang lo tih a sawi a, he Council hi State sawrkar kut liau liau a nih thu sawiin, he Council Hqrs. Aizawl-ah a awm daih chu thil inhmeh lo tak a nih thu leh tun \uma inthlan ah MNF thlantlin a nih chuan SHC Headquarters awmna tur dik tak Sakawrdai-ah dah a ni ang tih a sawi.
Dr. R. Lalthangliana chuan State sawrkar hnuaia Council chu duhsak zawng tan remchanna a awm thei bik tih sawiin, “Heng lai hmun hi Economic road atan Bagha panna a hnai hle a, Zohmun thlang lawk Tuiruang balu pawh Mizoram-a balu \ha berte zing a mi a ni a, mi tam tak eizawnna tling a ni. NLUP hmangin kum 10 tam kan kal tawh a, eng kan ang thei tak tak lo a. Helai bialah hian Council \ha tak, rintlak, inthlan tlin chuan SEDP-ah sem ral satliah mai lovin, a taka hmasawnna thlentir kan tum a ni,” a ti a. “Council-ah tunhmain in lo beidawng tawh anih pawhin, sawrkar thar kan din chuan a danglam hle ang. Helai biala inkalpawhna kawng tam tak chhe tawh lutukte pawh siam\hat thuai kan tum a ni,” a ti bawk.

Comments

Chhiar Hlawhte