I&PR Minister in I&B Minister kawm

/
I&PR Minister, Lalruatkima chuan nimin khan Information & Broadcasting Minister, Prakash Javedekar chu New Delhi-a a Pisa-ah kawmin Mizoram mamawh hrang hrang a sawipui.
Nimin-a I&B Minister a kawmna ah hian I&PR Minister, Lalruatkima chuan Indian Information Service Post Mizoram a kan neih ang angte hnawhkhat tur te, India Sawrkar Policy neih ang ang te mipuite hnena fiah lehzual zawka hrilh hriat a nih theih nan Mizote a tam thei ang ber Doordarshan leh AIR-ah hna pe turte in a ngen bawk.
Heng bakah hian I&PR Minister chuan Satellite Van mamawhna a nasat avangin pakhat tal Mizoram tana pe turin a ngen a. Mizoram Border area a chengte tan Dish Antenna a thlawna pek an nih theih nan ngenna pawh siamin, |halaite hmakhua thlirin MZU Campus-a awm India Institute of Mass Commmunication-a mamawh hrang hrang leh hmalak mekte chak zawka a kal theih nan hmalakpui turin a ngen bawk a. I&PR Minister chuan Media, Information leh Broadcasting lamah Mizoram tih hmasawn dan tur leh rawtna tam tak a thlen bawk.
Nimin vek khan Revenue Department changtu Minister ni bawk, Lalruatkima hian Roulkhumlien Buhril, Secretary, Department of Land Resources leh Hukum Singh, Joint Secretary, Department of Land Resources te an pisa-ah a hmu bawk a. Mizoram Revenue Department harsatna leh Land Record Modernisation kalpui mek chungchang a sawipui nghal bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »