Latest News

MCHP huaihawtin Siaha-ah kawngzawh neih a ni

Siaha District-a Hmeichhe tlawmngai pawl lian ber Mara Chanô Py (MCHP) Gen.Hqrs chuan Lalhmingthanga S/o Thatchia (L), |ial-dawngilui lakah thuneitu ten hremna na tak an pek phutin nimin khan Siaha-ah kawng an zawh.
Hemi chungchanga MCHP thuchhuah tarlan danin Lalhmingthanga hian Sept. 20, 2019 khan Siaha khua hmeichhe pakhat chu Lawngtlai a\anga Siaha lama phur haw in, kawnglaka hmeichhia hi zu leh drug pein a hrai rui a, nikhaw hre lova a awm hnuah Saruak ngalngatin kawngpuiah mutin, a taksa chu rawva taka khawihin, cheksawlna leh diriamna \awngkam nen Sex video a siam a. Duhtawka a inhrikthlak hnuah hmeichhia chu lo phur hawin, zan pawh sawi lovin Siaha khaw luh tawntir ah ui thisàwn pawh tluk lovin a hnutc-hhia leh ta niin an tarlang a. Ni 2/3 hnuah he Video hi Social Media hrang hrangah Lalhming-thanga hian a thehdarh zui leh nia tarlangin, he thil an duhloh lantirna atan hian he kawngzawh hi an huaihawt ta niin an tarlang.
He Kawngzawh hi Bazar Traffic Point a\anga New Siaha Bazar thleng neih niin Poster leh Placard te siamin Lalhmingthanga laka hremna na theih ang lek tura sawrkar an phutna te, LADC in a Forest Guard hna a\anga ban nghal tura an ngenna te leh demna \awngkam tam tak an ziak a. Kawngzawh-a tel te hian Lalhming-thanga lakah rorelna dik an duh thu leh damchhung tang tura an duh thu leh Lalhmingthanga chu Mara ram in an duhloh thu te am aupui bawk.
S Hetihlai hian Mizoram State Commission for Women chuan thuchhuah siamin Sept. 20, 2019-a Siaha District-a thil duhawm loh tak thleng hi pawi an tih thu leh an dem thu sawiin, thleng nawn tawhlo se an duh thu an tarlang a. Ha thil thlenga mawhphurtu ZT. Lalhmingmawia chu dan ang zela a na thei ang bera hremna pe tura thuneitute ngenin, Hmeichhia te chunga hleilenna  thleng ah na taka hmalak zel an tum thu an sawi bawk.

Comments

Popular News (Last 30 Days)