MNF Party hian Zoram tan malsawmna an thlen ngai lo - PC. Lalthanliana, Ex-Minister

/
LAD Minister hlui, PC. Lalthanliana chuan MNF Party in Zoram tan malsawmna an thlen ngai lo nia sawiin, “An bul \anna hi tih ropui viau an tum ang aiin an tawpna hi a ropui dawn lo hle niin ka hria,” a ti a. ZPM Party chu belh tlak an awm lo tulh tulh niin a sawi bawk.

Congress Party in nimin a Aizawl Congress Bhavan Golden Hall-a Political Session an buatsaih ah LAD Minister hlui, PC. Lalthanliana chuan thu sawiin MNF Party chan Zoram tan malsawmna an thlen ngai lo nia sawiin, “Ramhnuai ah kum 20 chhung Zoram zalenna sual inti mahsela, inremna kum 1986 a kan neih khan India ram hmun dangah pawh an neih ve tho State bak rawn hawn an nei lova. Amah Pu Zoramthanga’n ‘enge min rawn hawn?’ an tih chuan ‘Mizo Nationalism, a chi tur kan rawn hawn a, hei hi kan phun anga, kan enkawl seilian anga, a kakpuiah kan chuang anga, kan duh duh zar kan hawl thla mai dawn a ni,’ a tih laiin Vawiin a kan ram dinhmun, Citizenship Amendment Bill (CAB) leh ramri (boundary) chungchangah te MNF Party leh Sawrkar chu beisei ang an ni ta lo. Mizo Nationalism chi an rawn hawn kha a thi ta a niang,” a ti bawk.
MPCC General Secretary ni bawk, PC. Lalthanliana chuan Congress kum 10 Sawrkar aiin MNF thla 10 Sawrkarah mipui an beidawng zawk nia sawiin, “Kum khat em pawh an Sawrkar hmain an lal an hrawt a, kan bialah pawh Chief Minister Housing Scheme dawng tur an tih fel vek tawh, sum leh pai pawh an pek fel vek tawh chu chhuhsak leh an tum,” a ti a. “Governor chenna tual-ah lan ropui tumin Halelleuiah Chorus nen bul an \an, mahse Chief Minister tual-ah RSS ten vai hla sain an awi lungleng leh thung si. An bul \anna hi tih ropui viau an tum ang aiin an tawpna hi a ropui dawn lo hle niin ka hria,” a ti.
ZPM chungchang sawiin PC. Lalthan-liana chuan “ZPM Party lah hi belhtlak an awm lo tulh tulh a, an MLA a kan ngaih te ber pawh an ZPM \ha ngam lova, tlanchhe chungin an ZPM a, an hotupa ber pawh a ZPM ngam loh laia ZPM lo nih hi Zoram mipui tan thil tih chi pawh a ni lo,” tiin ZPM chuan tet lam a pan zel niin a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »