Bialtu MLA in MHIP intawhkhawmna a hmanpui

Ramlai Block MHIP chuan nimin khan Thenzawl-ah Ramlai Block MHIP Meet vawi 1-na hmangin he hun hi bialtu MLA, Lalduhoma chuan a hmanpui.

Thenzawl leh a chhehvel-a MHIP Branch 14 telna Ramlai Block MHIP Meet Tualvungi Hall, Thenzawl-a neih ah hian bialtu MLA, Lalduhoma chuan Hmeichhia, Nu te mawhphurhna leh pawimawhna hrang hrang sawiin, Pathian in Mipa leh Hmeichhia a siam dan anga Mipa leh Hmeichhia kan awm mai chu ram leh khawtlang tan a fuh ber a rin thu sawiin, Pathian in mipa leh hmeichhe dinhmun tura a dah hriatchian a, chumi ramri kal pelh thui loh chu a pawimawh a tih thu leh Hmeichhia, Nu te chu Hmangaihna, ngilneihna, nunnemna nen Pasal fanau, chhungkua enkawl chu Pathian in Hmeichhiate tihtura a dah anih thu a sawi a. Hmei-chhe dinhmun chawisan kan tih rualin, Mipa leh Hmeichhe nihna leh tih tur kan theihngilh ang tih a hlauhawm tih a sawi bawk.

Ramlai Block MHIP President, J. Lalhriatpuii kaihhruai he hunah hian Serchhip bialtu MLA, Lalduhoma chuan kawng hrang hrangah Mizo mipa aia hmeichhiate lansarhna a tam tawh hle tih sawiin, Mizo mipa te kan tlawm tawh hle nia lang chu, mipa ten \anlak \ul a tih thu a sawi a. Mizo mipa ten hnamdang zinga kan hmeichhiate kan enkawl thiam tawklo nia lang chu siam\hat \ul a tih thu a sawi bawk a. Mizoram roreltu thlanna ah nu, hmeichhia leh \halai ten an bawh lam chuan awmzia thui tak a nei fo \hin tih pawh sawiin, Bial leh khawtlang tana hmalakna ah Party rilru dah\haa, theihtawpa \anlakho puiah MHIP leh khawtlang hruaitu, pawl hrang hrang te chu a sawm bawk.