Latest News

Lokayukta kalpui dan \ha ti lo

PRISM Party chuan Mizoram sawrkarin corruption vengtu tur ti\huanawp zawngin hma a la nia sawiin, Vigilance Department hnuaia Lokayukta dah a ni chu pawi an tih thu an sawi.
PRIM Party hian nimin khan Aizawl-a PRISM Party Conference Hall-ah Lokayukta chung-chang sawihona neiin he hunah hian PRISM Party President, Vanlalruata chuan Corruption avanga kan tuarna kan hre vek nia sawiin, Sawrkar in corruption veng tur Department a neih laiin ram hruaitu leh sawrkar-a thuneitu ten an thunun theih avangin hna awmze nei a thawk hlei thei \hin lo tih a sawi a. Chuvang chuan corruption ven hna thawktu, mahni-a inrelbawl leh thuneihna nei (independent body) mipuiin kan duh nia sawiin, “Mizoram mai ni lovin India ram pum huapin nasa taka nawr a ni a. Harsa takin Central-a Lok Pal awma, State-a Lokayukta awm tura nawr chhuah a ni,” a ti.
PRISM Party President chuan Mizo-ram-a sawrkar thunun phak loha corruption veng tur Lokaykta dinna tur Dan nawrchhuah anih hnuah pawh sawrkarin a din fel mai thei lo nia sawiin, mipui duhna a nasat avangin MLA Inthlanah party tinin Lokayukta din an tiam thu leh MNF kaihhruai sawrkar kan neih tak chuan Inthlan Thutiam tihhlawhtlin nan an din tak thu sawiin, amaherawh chu kum em pawh a vei hma, hna an thawh \an dawn leih leih chauhah sawrkarin a ti\huanawp turin hma a la tih a sawi a, “Vigilance Department hnuaia a dah leh ta hi PRISM Party chuan a pawi kan ti a. Corruption kawngkhar hawngzau zawnga ke a pen avang hian kan sawrkar hi kan dem tak zet a ni,” a ti bawk a. Kan Ram leh Hnam tana \ha tur leh mipui tam zawkin kan duh anga Lokayukta hi mahni kea ding a, sawrkar thunun phak loh a corruption veng thei tura a dinhmun ngaia dah let leh thuai turin sawrkar an ngen tih a sawi bawk.

Comments

Popular News (Last 30 Days)