Question set dan zirhona nei

Mizoram Board of School Education (MB-SE) buatsaihin nimin khan Serchhip District chhunga High School leh Higher Secondary School zirtirtute tan Question set dan chungchang zirhona neih a ni.
BNRGSK Hall, Serchhip P&E Veng-a ‘Training on Question Setting Technique’ hi Serchhip DEO, Lawmawma chuan kaihruaiin Serchhip District Bawrhsap, Sang-chhin Chinzah chuan khuallian nia he hun hi hmanpuiin Training hi a hawng a, MBSE Secretary, Lalthangbika pawhin he training hi hma-npuiin inlawmna thu a sawi bawk.
Mizoram-ah Board Exam pass percentage kum tinin a sang a, chutihrualin Mizo zirlaite India ram chung hmundangte leh ram pawna zirlai dangte nena in elnaah a ti \halo leh a hniam zawk ah an \ang fo a, hei hian Quality Education kan neih tawk loh zia a tilang nia hriat niin zirchianna hrang hrang neih anih hnuah exam-a zawhna siam dan chuan pawimawhna thuk tak neiin, zirlaite leh zirtirtuah nghawng nasa tak a nei a ni tih hmuh-chhuah a ni a. Hei vang hian Board pawhin kum 2020 HSLC leh HSSLC exam a\anga hman turin Exam dan kalphung leh zawhna zawh dan thar a duang a. Hemi zulzui hian kumin a\angin zirtirna pawh kalpui mek a ni. A tum ber chu Content-Based Question a\anga Competency Based Question tam zawk zirlai naupangte tana chhawp-chhuah niin, hei hian an ngaihtuahna hman thiam zawngah te, an hmalam hun atan leh School a zirna kalpui danah \ha zawka nghawng a neih ngei beisei a ni.
Nimin-a training-ah hian MBSE siam kum 2020 Board Exam a\anga hman \an tur Scheme of Examinations and Question Design bakah Integrated Evaluation Scheme (IES) software update thar leh software manual chung-chang inhrilhhriatna neih nghal niin MBSE-a mithiam ten an zirtir a. Hetiang Training hi Mizoram District zawng zawngah buatsaih tawh niin Serchhip District hi a tawp kharna a ni.

Comments

Popular posts from this blog

PAN CARD an tih teh fo hi - Laldinpuia