Hmawngkawn-ah sawrkar thar lawmna nei

Serchhip District chhunga Hmawngkawn khua chuan nimin khan Mizoram sawrkar thar lawmna neiin AH & Vety Minister Dr. K. Beichhua chuan khuallian nia a hmanpui bakah bialtu MLA leh Assembly Deputy Speaker, Er. Lalrinawmna chuan a hmanpui bawk.
Hmawngkawn Volleyball Court-a sawrkar thar lawmna buatsaihah hian khuallian Dr. K. Beichhua chuan Saipui kal lai chu Zoram mipuite'n an bauh din thu sawiin, “House chhungah Speaker vei lam a\angin Saipui kal lai chu kum li chhung kan bauh a, a kum ngana ah mipuiin min bauhpui a, Pathian leh mipuite zarah Saipui kal lai chu bauh dingin Vawiin-ah MNF sawrkar thar hmel kan hmu ta a ni,” a ti a. Chief Minister hnenah an hmalakna hmasa ber tur pathum a zawhin ruihhlo do kawngah hmalak a nih tur thu te, kan kawng siam\ha tura hmalak a nih tur thu leh Socio-Economic Programme hi chak taka kalpui a nih tur thu te a sawi thu sawiin, heng ah te hian chak taka hmalak nghal a nih thu a sawi a. “Vawiin a sawrkarin SEDP a kalpui tur in nghahhlelh em em chhan chu hna in thawh ch√Ęk tawh vang a ni tih kan hria a, a tihlawhtling turin hma kan la mek a ni,” a ti bawk.
Hmawngkawn VCP, C. Lalchhingpuia kaihhruai sawrkar thar lawmna hunah hian bialtu MLA, Er. Lalrinawma pawhin sawrkarin ram leh mipuite hmasawnna atan ruahmanna a siam chho zel dawn tih sawiin, “Ram mipui hmasawnna turin sawrkar apiangin hma an la a, ke an pen \hin a. Chutiang a nih laiin kan ram economy-in duhthu a sam lo a ni. Chuvangin kan sawrkar pawh hian SEDP hmangin Board 14 dinin theihtawp chhuahin hma an la mek a. Chutianga sawrkarin hma a lak tak tak hunah chuan a tipuitling tura mipuite pawhin hma kan lak a ngai a; sawrkarin policy a neihte hi ram mipui tan vek a nih angin theihtawp kan chhuah a ngai a. Hmasawnna kan duh chuan hmasawnna kan hlut tur a ni. Kan sawrkarin hmasawnna a rawn thlen tur hi a tihlawhtlingtu nih i tum \heuh ang u,” a ti bawk. Hmawngkawn khua hi kum 1981-ah ran vulhna hmun tura sawrkarin a din a ni a. Tunah hian chhungkaw 34 vel khawsain Sial 106 an vulh mek a ni.

Comments

Popular posts from this blog

PAN CARD an tih teh fo hi - Laldinpuia