Congress |halai ten sawrkar leh Home Minister kan neih te vanduaithlak an tih thu an sawi

Congress |halai, MPYCC chuan Ram leh hnam himna atana innghahna tlak loh Sawrkar leh a ngaihna hre lo Home Minister kan nei chu vanduaithlak an tih thu an sawi.

Nimin-a thuchhuah an siamah Mizoram Pradesh Youth Congress Committee (MPYCC) chuan September ni 22, 2019 zan khan Tuikuk hel ni ngeia rin, silai keng leh hmaituam mi 20 velin Saihapui bula K.Lalrinliana Minister leh Kolasib bialtu MLA ni bawk, Sangha Dil huan enkawltu Thlam-a riakte rikrapin, huan enkawltu hi dinhualin thu an zawt a, riak ve dang nunau te pawh an thlabar hle nia tarlangin, vanneihthlak takin thil pawi a thleng lo hlauh niin an tarlang.

MPYCC thuchhuah chuan he thil thleng avanga helai chhehvela awm te leh ramri hrula awm te an ral\it phah leh an thlamuang lo chu pawi an tih thu tarlangin, “Inthlan laia hel pawlte thawhpuina hnualsuat phal lo \hin nia sawi MNF te hian sawrkarna an chelh a\anga kum khat em pawh a tlin hmaa Mizoram chhung ngeia ralthuam keng hel pawl an rawn huangtau leh \an ta mai hi a ngaih\hat thlak loh hlein a hria a. Huangtau ngam nachhan \ha tak an nei leh ta em ni tih hi a zawhna niin, ram leh hnam himna atana innghahna tlak loh sawrkar leh a ngaihna hrelo Home Minister kan nei hi vanduaithlak a ti hle a ni,” an ti.