Plastic Free City-ah Aizawl puan a ni

Ministry of Urban Development (MoUD)-in India rama Smart City thlanchhuah khawpui 100 te chu Plastic Free City-ah Oct. 2, 2019-a inpuang (declare) vek tura a tih angin Aizawl khawpui pawh Plastic Free City-ah Aizawl Mayor, PC. Lalhmingthanga chuan a puang.

Plastic Free City-a puanna inkhawm tawi AMC Conference Hall-a hmanna hi AMC Commissioner Dr. H. Lalthlangliana chuan kaihruaiin plastic 50 micron tlinglo khap chungchanga AMC hmalakna hrang hrang a sawifiah a. AMC Mayor chuan August ni 1, 2019 a\anga plastic 50 micron tlinglo AMC in a khap dan leh World Environment Day, 2019 hmanna a Aizawl khawpuia mi 60,000 (singruk) chuang te plastic bawlhhlawh chhar khawma an hnatlan bakah August ni 1 hnulama plastic chi hrang hrang nuai 2 chuang an man tawh thu sawiin, heng man khawm te tihralna tura Tender chhuah mek a nih thu a sawi. AMC Mayor chuan Prime Minister Narendra Modi pawhin plastic nasa taka a vei thu leh Independence Day, 2019-a a thusawiah pawh October ni 2 a\ang chuan India ramah khap vek tum a nih thu a lo sawi tawh tih a sawi bawk.