Latest News

False Affidavit thubuai ah Chief Minister hlui, Lal Thanhawla thiamloh chantir a ni lo

Kum 2013 MLA inthlanpui neih dawna Serchhip Bial-a Candidate, Lal Thanhawla’n False Affidavit a thehlut nia Lal Hriatrenga Chhangte in a puhna thubuai a thuremna chu nimin khan Serchhip District Court chuan tichhuakin Lal Thanhawla hi thiamloh chantir a ni lo.
January 17, 2018 khan New Serchhip-a cheng Lal Hriatrenga Chhangte hian Serchhip District Court-ah thubuai thehlutin Lal Thanhawla hian kum 2013 MLA inthlanpui neih dawna Affidavit a thehluh ah Affidavit diklo a thehlut niin a sawi a. Hemi chungchangah hian Court chuan thuhretute bakah thubuai thehluttu (Lal Hriatrenga Chhangte) leh False Affidavit thehluttu a puh (Lal Thanhawla) te hi thu zawtfiahin \um 12 zet he thubuai hi ngaihtuah a ni a. Hemi hnu nimin (Oct. 3, 2019) khan thutlukna hi JH. Lalparmawii, Judicial Magistrate 1st Class, Aizawl Judicial District, Serchhip Court chuan puangin kum 2013 Mizoram MLA inthlanpui neih \uma Lal Thanhawla Affidavit thehluh chungchang ngun taka zirchian anih hnuah dik kimlo lai chu a awm a, mahse hei hi Lal Thanhawla hian rilru diklo pu-a ti (ill intention) nia a lan loh thu leh a khingtu Lal Hriatrenga Chhangte te hian convict tura an khin tel loh thu a sawi a. Court Order chuan, “Ngun taka ngaihtuah a nih hnu ah leh thil hrang hrang finfiah a nih hnuah, Complainant te (Hriata Chhangte tihna) hian thil tisuala an puh Lal Thanhawla tihsual engmah finfiah tur an neih loh avangin, he thubuai Crl. Tr. No. 1/2018 hi ka ti tawp a, a fihlim tih ka puang a, he thubuai lak a\ang hian zalenna ka pe nghal bawk e,” tiin he thubuai hi a titawp a ni.
Court thutlukna puan hnuah thubuai thehluttu Lal Hriatrenga Chhangte chuan thuthar thehdarhtute zawhna chhangin Lal Thanhawla Affidavit thehluh chu False Affidavit a ni tih an fiah thu leh an tum tak chu an hlawhtlin thu a sawi a, “Pu Hawla hi tang se emaw, pawisa chawi se emaw kan ti bik lo,” a ti a. “Vawiin hian Pu Hawla hian False Affidavit a thehlut a ni tih kha Magistrate in min pawm sak a, amaherawh chu ‘rilru chhia a ti an ni lo e’ min tih sak a, ‘keini chuan awle’ kan ti ve mai a,” a ti bawk. Lal Hriatrenga Chhawngte chuan he thubuai hi heti hian a tawp fel tih pawh sawiin, thil danga hmalak zui pawh an tum a rin tawhloh thu a sawi a. He thutlukna hi 50-50 ang vel a nih thu leh anni pawh an lawm thu a sawi bawk.

Comments

Popular News (Last 30 Days)