CM in IASE-ah Ph.D leh M.Phil zirna hawng

/
Institute of Advanced Studies in Education (IASE)-a Ph.D. leh M.Phil zirna chu nimin khan Chief Minister, Zoramthanga chuan a hawng a, hemi hnu hian Sugamya Bharat Abhiyan hmalakna hnuaia Wheelchair hmangte tana IASE building a Lift siam chu a hawng bawk.
IASE Auditorium, Republic Veng-a Ph.D leh M. Phil zirna hawnna hunah hian Chief Minister chuan zirna sang zawk neih theihna tura Pd.D leh M.Phil zirna hawn belh a ni leh pianphunga rualbanlote ngaipawimawha an tan chet a lo awlsam zawk theihna tura IASE Centre-a Lift dah thar a ni te chu lawmawm a tih thu a sawi a. Sawrkarin a hmalakna hrang hrang zingah zirna leh hriselna a ngaihpawimawh thu sawiin, hmasawnna tluantling nei tur chuan mihring thiamna leh theihna in hma a sawn tel a \ul thu a sawi.
IASE in Ph.D leh M.Phil zirna a hawn tharah hian Batch hmasa ber atan Ph.D zirlai 7 leh M.Phil zirlai 4 an awm a. IASE hi kum 1975 khan Mizoram Institute of Education (MIE) tia din niin kum 1997 khan College of Teacher Education (CTE) a thlak leh a ni a, kum 2005 khan IASE a hlanchhoh tak niin, March 3, 2012 khan IASE angin mumal takin a kal \an ta a ni. IASE Mizoram hi India ram puma B.Ed zirtirna Multi-Mode programme kalpui awmchhun niin, Tata Institute of Social Sciences, Mumbai in zirchianna a neih ah chuan IASE Aizawl inrelbawlna chu India ram hmundanga IASE tan pawha entawntlak tiin a sawi a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »