HPC nena inremna ti hlawhtling turin hmalak tum

Chief Minister leh MNF President, Zoramthanga chuan Mizoram sawrkar leh HPC inremna tihlawhtling tura nasa taka hmalak a nih tur thu sawiin, "Hmar thimpui ni \hin a nih tawh loh nan hma kan la dawn a ni," a ti.

Sinlung Hills Council (SHC) inthlan lo awm tura MNF leh HPC |angrual campaign kick-off nimin-a Sakawrdai Khelmual-a neih ah he thu hi sawiin MNF President, Zoramthanga chuan he inthlana an khingpui awmchhun Congress chu hlauh tur an awm tawh lo tih a sawi a. "Vawiin-ah hian Congress a hlauhawm tawh love tih ka sawi duh. Tunhmain India ram a\angin Helicopter nen lal pui pui an rawn campaign \hin a. Tunah erawh chuan Congress hi a dintu vaiho pawhin an duh tawh lova, North East State 8-ah pawh sawrkar-na State an nei tawh lo a ni," a ti a. "Tunhmaa Sakeibaknei nia inhriat \hin kha Sabengtung, Sakei vuna inthuamin a tih\haih mai mai che u a ni. Tun inthlana candidate an dah pawh hi 'chhan loh aiah Luka' tih ang chauh a ni," a ti.

He huna tel Minister, Lalchhandama Ralte pawhin Chief Minister, Zoramthanga kaihhruai sawrkar in Hmar Hnam tana ngaihtuahna a sen dan chhut chiang tura mipuite chu chahin, “Hmar Pawl hrang hrang a tam a, MNF-in Interim Council sawrkar a siam khan pawl hrang hrang a\anga lakhawmin Council a siam a. Hmar Hnam inpumkhatna leh zahawmna atan kha thutlukna kha siam a ni. Hmar Hnam Sipaiten Inpui-a an neih HPC nena thawhho hi MNF chuan \ha a ti a. Sawrkar-in Council hi ding leh veia hnathawk tura a hman tur a ni a, \ha taka sawrkar thawhpui thei tur MNF leh HPC candidate-te Vote \heuh turin a sawm bawk. He hunah hian HPC President, Thanhliensun pawhin Sinlung Hills Council Election hmasa ber neih a ni tur chu lawmawm a tih thu a sawi bawk.