SHC inthlan turah Candidate 42 awm dawn ta

November ni 5, 2019-a Sinlung Hills Council (SHC) inthlan lo awm turah Council Member 12 thlan turah Candidate 42 an awm dawn ta.
State Election Commission, Mizoram thawktu te hnen a\anga thudawn danin Sinlung Hills Council (SHC) thlan turah hian bial 12-ah Council Member tur hi thlan an ni dawn a, he inthlanna chuh tura hming pekluh te enfiah a nih hnuah Independent Candidate 24 awmin BJP in Candidate 2, INC in 6, MNF in 7, NPP in 2 leh HPC in Candidate 1 te an ni a. Khawlian bial-ah candidate 4, Phuaibuang-ah 5, Suangpuilawn-ah 4, Vanbawng-ah 5, Ratu-ah 2, New Vervek-ah 2, Sakawrdai South-ah 3, Sakawrdai North-ah 4, Zohmun-ah 2, |inghmun-ah 4, Saipum-ah 3 leh Saiphai bial-ah candidate 4 an awm dawn ta a ni.
State Election Commission-in rua-hmanna a siam dan chuan inthlanna hi November 5, 2019 zing dar 7:00 a\anga tlai dar 4:00 inkarah neih a ni ang a, vote thlak zawh veleh vote tlate hi chhiar nghal a ni ang. Vote thlak \hat ngai a awm a nih chuan Nov. 7-ah vote thlak nawn tur a ni a, inthlanna kaihhnawih thil chu November 8, 2019-ah chuan zawhfel vek tura tih a ni.
Sinlung Hills Council inthlan lo awm turah hian Polling Station 38 a awm a, heng zinga Polling Station 31 hi Aizawl District a awm a ni a, a dang 7 hi Kolasib District huam chhunga awm a ni. Sinlung Hills Council huam chhungah vek hian vote nei mi 21,686 awmin heng zinga 10,886 hi mipa niin Vote nei thei hmeichhia 10,800 an awm bawk. Rules 50, 51 & 52 of The Mizoram (Election to Sinlung Hills Council) Rules, 2019-in a sawi angin Sinlung Hills Council inthlanna neih turah hian Ballot Box leh Ballot Paper hman a ni ang.

Comments

Chhiar Hlawhte