Mipui zirtirna kawnga \an la turin Media te sawm

Nimin khan I&PR Department leh MJA General Hqrs. chuan Bureau of Parliamentary Studies & Training (BPST), Lok Sabha Secretariat-a Mizoram Sawrkar tirha Parliamentary Studies Training te lawmna hun an hmang a, he hun hi I&PR Minister, Lalruatkima chuan a hmanpui a ni.
Aizawl Press Club-a he hun hmanna ah hian I&PR Minister chuan Media mite chu mipui hnena thuthar puanchhuah hna thawh piah lama mipuite hnena zirtirna petu an nih avangin mi naran aiin an in zir peih zawk tura a ngaih thu a sawi a. Mipui thuneihna sawrkar hnuaiah ngat phei chuan Media te pawimawhna a sang hle a. Chuvangin sawrkar pawhin Media mite a duhsak a, a tam thei anga zir bik tur tuk saka training pek, Study Tour a tirhchhuah leh State chhunga an tlawh turte pawh siam zel a tum a ni, a ti.
I&PR Minister chuan Sawrkarin Media mite thawhhlawk zia hriain an ham\hatna te pawh Dan hnuaiah a nih tur ang takin a siam sak tawh bakah a \ul anga siam belh te pawh a tum mek tih sawiin, Media mi te pawhin an mawh-phurhna te an hlen a pawimawh thu a sawi bawk a. Communication Technology hmasawnna sang zelah Media him lo - Social Media te pawh a buai-thlak \an thu sawiin, hemi kawngah pawh Media mite chuan mawhphurhna sang tak an neih tih a sawi a. “Mizoram chhungah ngei pawh Phone  neih vanga Media mi emaw in tia  a him leh him lo, a pawi nge pawi lo, dan phalloh a ni em tih pawn dawn hmasa lova mahni hmuh leh dawn a piang Social Media kaltlanga thawndarh ching an tam a. Hei hian mimal nun tam tak a tihchhiat saka, mi tam tak rilru a hliam mek a, pawi nasa tak a khawih mek a ni,” tiin hemi kawnga mipui zirtir turin Media mi ten \an an lak a \ul thu a sawi bawk.
He hunah hian Bureau of Parliamentary Studies & Training (BPST)-a kal te hnen a\angin report ngaihthlak a ni bawk.

Comments

Popular posts from this blog

PAN CARD an tih teh fo hi - Laldinpuia