DRDA PD in MJA member te an hmalakna a hrilh

Serchhip DRDA Project Director, H. Do-lianbuaia chuan nimin tlai khan MJA Serchhip District Member te kawmin tunhnaia Mizoram sawrkar-a Rural Development hnuaia hnathawk \ha lawmman an dawn hrang hrangte leh an hmalakna te a hrilhfiah.
DRDA Project Director in a Pisa-a MJA Member te a kawmna hunah hian tunhnaia Mizoram sawrkar RD Department in 2019-20 sawrkar kum chhunga an hmalakna thlira Mid-term Review an neih ah Serchhip District chuan thingtlang lama Insak \anpuina, Pradhan Mantry Awaas Yojana (PMAY-Gramin) ah hnathawk \ha ber lawmman an dawn thu sawiin, ni 100 inhlawhna, MGNREGS kalpui \ha ber dawttu lawmman an dawng tih a sawi a, hei bak tehna hrang hrangah pawh a ti\ha pawl an nih thu sawiin, hnathawk \ha lawmman an dawng thei chu lawmawm a tih thu leh thawktute leh mipui \anrualna vang a ni tih a sawi.
He hunah hian PMAY-G hnuaiah hian chhungkaw 98 te tan chenna In sak a nih thu leh In pakhat sakna atan hian Rs. 1,30,000/- zel ruahman a nih thu tarlan niin \anpuina dawng tur SECC-2011 behchhena thlan an nih thu leh a dawng tur Computer Software hmanga thlan a nih avangin duhsak zawng inthun mai theih a nih loh thu te tarlan a ni a. In sak \anpuina atan hian cheng nuai 127.4 an dawn thu te pawh an tarlang bawk a. Hei bakah hian an hnathawh dan tlangpui te pawh he hunah hian sawiho niin an hmalakna ah hian Serchhip District chhunga RD Block pahnih te chuan an thawk \ha hle tih PD chuan a sawi bawk.

Comments

Popular posts from this blog

PAN CARD an tih teh fo hi - Laldinpuia