Latest News

CAB-a ILP telh tura ruahman tum nia sawi inbumna thil mai niin an ngai

Serchhip bialtu MLA, Lalduhoma chuan tunhnaia Mizoram tlawhtu Union Home Minister, Amit Shah-a'n Mizoram NGO te hnenah ILP nei State-te ah chuan ILP chu inhumhim nan hman zel a nih theihna turin, CAB-ah telh turin ruahman a ni dawn tia a sawi chu in bumna thil mai a nih thu a sawi.

ZPM a\anga Independent MLA atana thlantlinte chuan nimin khan Aizawl Press Club-ah thuthar thehdarhtute kawmin he hunah hian Serchhip bialtu MLA, Lalduhoma chuan October 5, 2019-a Union Home Minister, Amit Shah leh NGO hruaitute inkawm chungchangah Union Home Minister chuan Mizote min hmusit hle nia sawiin, “CAB-ah hian ILP zehluh a ni ang a ti niin kan lo hriaa, engtin nge CAB-ah hian ILP hi an zehluh ang ti hhi kan zawhna a ni. CAB chu Hindu leh Buddhist ni lo foreigner-te danna tur a ni a. ILP erawh chu foreigner te danna ni lovin Indian Citizen, Tribal ni ve lo te danna a ni,” a ti a. Chakma te chu Tribal ve tho an nih avangin ILP hian a dang ve thei lo nia sawiin, “CAB hi pass a nih a Mizoram-ah pawh hman a nih chuan Chakma (Hindu/Buddist) te chu Tribal-foreigner an ni dawn a, Indian Citizen zinga Non-Tribal danna ILP hian a dang thei dawn lo. Union Home Minister in kan NGO te thu a tiam hi min hmuhsit zia tilangtu a ni,” a ti bawk.
Lalduhoma chuan Union Home Minister-in ‘Mizo hlang awmna CRPF Battalion kan siam ang’ a ti chu awih har an tih thu pawh sawiin, “Recruitment Rules for Central Military Forces a awm a, chu chuan Hnam bil Battalion din a phal lo,” tiin dan pela BJP sawrkar chu an chet a rin loh thu a sawi a. “Heng mai mai hian thlem lungawi theih in kan awm tur a ni lo, kan zawt let ngam tur a ni,” a ti a. CAB leh CRPF chuan inzawmna a neih loh thu leh CRPF te chu tual-chhung buaina a duty tur an nih thu leh ramri a duty tur chu a hran an awm thu sawiin, CAB pass a nih pawh in Mizo CRPF chu foreigner lo lut tur dang tur a duty tur an ni lo tih a sawi.
Lalduhoma chuan Oct. 7, 2019 khan Assembly Speaker hnenah ZPM Legislature Party chu a ngai anga kaltir leh tur leh a thu sut tura ngenna lehkha chu an \anchhan te nen an thlen thu pawh sawiin, Speaker hian thutlukna ala siam loh thu a sawi bawk.

Comments

Popular News (Last 30 Days)