Thenzawl-ah pawisalem man

/
Nizan hmasa thimhlim khan Thenzawl-ah pawisa lem cheng nuai 18 chuang hu leh a neitu nia hriat mi pakhat chu man niin thubuai siam sak nghal a ni.
Thudawn danin Thenzawl Police te leh 8th Assam Rifles te chuan an thudawn bawh-zuiin niminpiah tlai khan heng pawisa lem te hi Thenzawl dai-ah an lo chang a, nizan hmasa thim-hlim khan Thenzawl leh Chalkhankawn inkara Ai-lian kham bul kawngpuiah Aizawl a\anga Taxi lokal pakhat a\angin pawisa note lem hi an man a. Pawisa note lem neitu nia rinhlelh Lal-hmunmawia (34), Dawrpui Vengthar nia inchhal chu man nghal niin thubuai siam sak a nih hnuah nimin khan Serchhip District Court-ah hruai nghal a ni.
Heng pawisa note lem hi cheng 2000 note hlir niin, a vaiin 906 a ni a, Rs. 18,12,000/- hu niin pawisa note hi a lem tih a hriat hle a, Printer pangngai leh Paper pangngaia print, Xerox a ang hle a, pawisa number pawh hi a inang a tam hle a, pawisa number chi hrang 11 an chhukai nia thudawn a ni. He pawisa kengtu leh a neitu nia rinhlelh hian heng pawisa lem te hi Thenzawl daiah hian Rangkachak nena inthleng turin midang nen Phone hmangin an inbia niin a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »