MNF dincham vawi 58-na lawmna neih a ni

MNF Party chuan nimin, Sept. 22, 2019 khan Aizawl-a Mizo Hnam Run-ah MNF dincham \um 58-na lawmna an nei a, an Party President, Zoramthanga chuan thu a sawi a ni.
Nimin a MNF dincham lawmna hunah hian MNF President leh Chief Minister, Zoramthanga chuan Pathian in MNF a kaihhruai nasat dan chu a makin a lawmawm tak zet tih sawiin, “Pathian chhanchhuahna ropui tak tak a dawn dante hi a ropui hle a. Pathian in he Hnam movement a hruai dan mak leh ropui tak hi \hang leh tharte ah pawh kan inhrilh zel a pawimawh hle a ni,” a ti a. “Party \henkhatin vawi 8/9 emaw lai an party hming an thlak tawh laiin MNF chuan hming dang a la pu ve lova, MNF Founder President Pu Laldenga sawi angin ‘MNF chu MNF a ni mai’ a tih hi MNF nihna dik tak a ni,” tiin “Pathian \anpuina in Arsi a eng zual zel dawn,” a ti bawk.
MNF President chuan Congress Party chu phai lamah leh Mizo-ram-ah an chhe deuh vek tawh tih nia sawiin, “Party President tur pawh an inhmu zo tawh lo a, Search Committee-te hial an indin a, an tihngaihna hre lovin Sonia Gandhi bawk an hnawn leh a. Central leh State hrang hrangah an dinhmun a hniam mek zel a ni. Mizoram Congress pawh hi phai lama Congress tihnun chawp an ni a, a tinungtu lam engmah an ni tawh si lova, thingtlang lamah nen lam an hniam ta hle a ni,” a ti a. “An chhiatna turin Pathian in Congress Party Mizoram-ah a chawisang a. Tute nge an nih chiah tih mipuiin kan hriat theih nan thuneihna an kutah dah a ni a, Zu te zuarin an chetna hrang hrangah leh he ram enkawlna kawngah neitu nihna thinlung an pu lo tih a chiang hle,” a ti.
ZPM chungchang sawiin Zoramthanga chuan, “Inthlan dawn khan ZPM-te an inzuar thiam hle a. MLA 8 lai an nei a. Tunah chuan an rawng dik tak lang chhuakin Party-ah an inlet ta a,” a ti a. ZPM MLA te buaina chu MNF leh Congress te tih ni lovin anmahni buaina insiamchawp a nih thu a sawi a. “ZPM MLA-te kum 5 vel ZPM-ah an tel ngam loh chuan an tel lovin Pu K Sapdanga-te’n party an lo kaihruai dawn a ni a. Kum 5 hnuah Pu Duhoma hian Chief Ministerial candidate nih leh ngawt tum se a har viau mai thei. Duh duha awr sen a, duh duha awr dum leh thei party an ni tih mipuite’n an hriat a \ul hle. ‘Ni a chhuak dawn’ an ti a, ni chhuak thlen dik tir an tum a, chu ni chhuak tur an tih chu lukhumin a hliah ta a ni,” a ti bawk.
Chief Minister chuan SEDP kalpui \an a nih thu sawiin, “SEDP hi hriselna lam hawiin hmalakna hmasa kan \an a, SEDP Health Care duan niin chhungkaw tinin kum khatah nuai 2 chin an bill thei dawn a. Tunah hian Economic Programme kan la \an lo deuh a, Delhi lam an phur \an a, a lawmawm hle a. Chaw, ei leh bar leh sa-ah intodelh tumin theihtawp kan chhuah dawn a ni,” a ti bawk.

Comments

Chhiar Hlawhte