Media ten COTPA an zirho

National Tobacco Control Programme (NTCP) Mizoram bultumin nimin khan Aizawl Press Club-ah COTPA (The Cigarettes and Other Tobacco Products) leh a kaihhnawih dan, Media te tana hriat tur pawimawh zirhona neih a ni.

He zirhona huna Khuallian I&PR Secretary, Sangdingliana chuan, kum 30 zet Mizoram-ah vaihlo do beihpui kan thlak tawh thu leh a hnehtu ah kan la \ang zel chu thil lawmawm tak a ni tih a sawi a. Mizoram-a vaihlo zuk leh hmuam do bul \an a nihin zuk leh hmuam ti za zela 85 kan nih laiin, tunah zirchianna thar berah chuan zaa 58-ah a tlahniam tawh nia sawiin, NTCP Mizoram leh MJA in vaihlo do kawnga thawhhona \ha tak a neih chu chhunzawm zel nise a duh thu a sawi bawk.

NTCP Mizoram hotute sawi danin, tunah hian Mizoram-ah Tobacco Free School 34 awm tawhin Dan-in a phal \hin Electronic Cigarettes pawh India sawrkarin a khap tawh dawn thu te an sawi a. Mizoram-ah vantlang puipunna hmuna vaihlo zial zu hi GATS-1 ah zaa 27.3 a nih laiin GATS-2 ah chuan 18.2% in a tlahniam a; chutih-laiin Public Transportation-ah GATS-1 ah 8.3% a nih laiin GATS-2 ah 8.6% ah a sang chho thung a, hei hian Public Transportation lamah \an lak a la ngaih zia a lang a ni, an ti a. Driver-te chu an passenger-te vaihlo zial zu an awm chuan dan hmangin a man theitu zawk an nih thu te pawh he hunah hian tarlan a ni.

Hei bakah hian COTPA danin a khapna hmuna vaihlo leh a kaihhnawiha man te hnena sum chawi tir \hin chu zaa 50 state sawrkar sum bawm-a a luh laiin zaa 50 hi vaihlo dona atana hman phalsak an nih thu tarlan a ni a. Vaihlo ti an tlem theih nan India sawrkarin ramchhunga siam cigarrettes-ah chhiah sang tak a lak laiin ram-dang siam cigarettes lakluhte a tlawm tho si avangte, COTPA dan an zawm \hat loh avangte in an hmalakna a ti\huanawp hle niin an sawi bawk.